قر دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس جۇقتىرعان ٷشٸنشٸ ادام انىقتالعانىن ايتتى, دەپ حابارلايدى "ۇلت اقپارات".
«دەل قازٸر ۆيرۋس جۇقتىرعان تاعى بٸر ادام انىقتالىپ وتىر, ياعني ٷشٸنشٸ ناۋقاس دەپ ايتۋعا بولادى. ول 12 ناۋرىز كٷنٸ ميلان قالاسىنان نۇر-سۇلتان قالاسىنا كەلدٸ. زەرتحانالىق ساراپتاما بويىنشا كوروناۆيرۋستىق ينفەكتسييا انىقتالدى. بۇل ازامات كەلگەندە, بٸزدٸڭ پروتوكول بويىنشا ەۋەجايدان تٸكەلەي كارانتينگە جاتقىزىلدى», - دەدٸ مينيستر ورتالىق كوممۋنيكاتسييالار قىزمەتٸندە.
بەلگٸلٸ بولعانداي, پروتوكول بويىنشا ميلاننان كەلگەن ەيەلمەن بايلانىستا بولعان ادامدارعا قاتىستى قاجەتتٸ جۇمىستار جٷرگٸزٸلۋدە.
ونىڭ سٶزٸنە قاراعاندا, اتالعان بورتتا 90 جولاۋشى بولعان. ولارعا قاتىستى سانيتارلىق شارالار ٸسكە اسىرىلۋدا.
بۇعان دەيٸن حابارلانعانداي, دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس ينفەكتسيياسىن جۇقتىرعان قازاقستاننىڭ ەكٸ ازاماتى گەرمانييادان كەلگەنٸن مەلٸم ەتتٸ.
سونىمەن قاتار كوروناۆيرۋس جۇقتىرعان قازاقستان ازاماتتارىمەن بٸر بورتتا بولعان جولاۋشىلار كارانتينگە جاتقىزىلاتىنى ايتىلدى.
