Premer-Ministrdiń orynbasary Eraly Toǵjanov Memleket basshysynyń Qazaqstan halqyna Joldaýynda belgilengen eldiń bioqaýipsizdigin qamtamasyz etý jónindegi tapsyrmalary aiasynda «Antigen» ǵylymi-óndiristik kásipornynyń jumysymen tanysty, dep habarlaidy QazAqparat.
Koronavirýstyń taralýyna qarsy vedomstvoaralyq komissiia taratqan málimetke sensek, qazirgi ýaqytta bul kásiporyn QR BǴM Biologiialyq qaýipsizdik problemalary ǵylymi-zertteý institýtynyń seriktesi sanalady.
BQPǴZI «Antigen» alańyn paidalana otyryp, meditsinalyq vaktsina, onyń ishinde QazVac shyǵarýdyń tolyq tsikli boiynsha ekinshi óndiristik alańdy ázirlep, iske qosty.
Osy maqsatta Almaty oblysy ákimdiginiń qoldaýymen jeńildetilgen nesie boiynsha vaktsina óndirýge arnalǵan jańa tehnologiialyq jabdyqtar satyp alyndy.
Aǵymdaǵy jyldyń qyrkúiek aiynda qýaty aiyna 1 mln dozaǵa deiin jetetin «Antigen» alańynda QazVac vaktsinasynyń 300 myń validatsiialyq seriiasy shyǵaryldy.
Halyqaralyq sapa standarttary kásiporynǵa óndiristiń barlyq ýchaskelerinde joǵary tehnikalyq deńgeige, sapa men senimdilikke qol jetkizýge múmkindik beredi.
«Antigen» ǴÓK «OtarBioPharm» JShS janyndaǵy biofarmatsevtika zaýytymen qatar BQPǴZI ázirlegen QazVac qazaqstandyq vaktsinasyn shyǵarý boiynsha ekinshi óndiristik alańǵa ainaldy.
