پرەمەر-مينيستردٸڭ ورىنباسارى ەرالى توعجانوۆ مەملەكەت باسشىسىنىڭ قازاقستان حالقىنا جولداۋىندا بەلگٸلەنگەن ەلدٸڭ بيوقاۋٸپسٸزدٸگٸن قامتاماسىز ەتۋ جٶنٸندەگٸ تاپسىرمالارى اياسىندا «انتيگەن» عىلىمي-ٶندٸرٸستٸك كەسٸپورنىنىڭ جۇمىسىمەن تانىستى, دەپ حابارلايدى قازاقپارات.
كوروناۆيرۋستىڭ تارالۋىنا قارسى ۆەدومستۆوارالىق كوميسسييا تاراتقان مەلٸمەتكە سەنسەك, قازٸرگٸ ۋاقىتتا بۇل كەسٸپورىن قر بعم بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ سەرٸكتەسٸ سانالادى.
بقپعزي «انتيگەن» الاڭىن پايدالانا وتىرىپ, مەديتسينالىق ۆاكتسينا, ونىڭ ٸشٸندە QazVac شىعارۋدىڭ تولىق تسيكلٸ بويىنشا ەكٸنشٸ ٶندٸرٸستٸك الاڭدى ەزٸرلەپ, ٸسكە قوستى.
وسى ماقساتتا الماتى وبلىسى ەكٸمدٸگٸنٸڭ قولداۋىمەن جەڭٸلدەتٸلگەن نەسيە بويىنشا ۆاكتسينا ٶندٸرۋگە ارنالعان جاڭا تەحنولوگييالىق جابدىقتار ساتىپ الىندى.
اعىمداعى جىلدىڭ قىركٷيەك ايىندا قۋاتى ايىنا 1 ملن دوزاعا دەيٸن جەتەتٸن «انتيگەن» الاڭىندا QazVac ۆاكتسيناسىنىڭ 300 مىڭ ۆاليداتسييالىق سەريياسى شىعارىلدى.
حالىقارالىق ساپا ستاندارتتارى كەسٸپورىنعا ٶندٸرٸستٸڭ بارلىق ۋچاسكەلەرٸندە جوعارى تەحنيكالىق دەڭگەيگە, ساپا مەن سەنٸمدٸلٸككە قول جەتكٸزۋگە مٷمكٸندٸك بەرەدٸ.
«انتيگەن» عٶك «OtarBioPharm» جشس جانىنداعى بيوفارماتسەۆتيكا زاۋىتىمەن قاتار بقپعزي ەزٸرلەگەن QazVac قازاقستاندىق ۆاكتسيناسىن شىعارۋ بويىنشا ەكٸنشٸ ٶندٸرٸستٸك الاڭعا اينالدى.
