Nur-Sultan qalasynyń turǵyny 1950 jyly, Shymkent qalasynyń turǵyny 1962 jyly týǵan. Nur-sultan turǵyny 11 sáýirde jedel járdemmen aýrýhanaǵa jetkizilip, reanimatsiiaǵa jatqyzylǵan. Sozylmaly derti bolǵan, 13 sáýirde túnde qaitys bolǵan.
Shymkent qalasynda qaitys bolǵan adam da 11 sáýirde aýrýhanaǵa túsken. Júk kóliginiń júrgizýshisi "Qaraǵandy-Novosibirsk" baǵyty boiynsha jol júrip bara jatqanda ystyǵy kóterilgen. Buryn sozylmaly derti boiynsha dispanserlik esepte turǵan.
Qazaqstanda koronavirýs infektsiiasynan qaitys bolǵandar 14 adam boldy.
Densaýlyq saqtaý ministrligi 13 sáýir 23.40-ta Qazaqstanda 112 adamnan koronavirýs tabylǵanyn, onyń 99-y Almaty qalasynan shyqqanyn habarlaǵan.
Sońǵy málimet boiynsha, virýs juqtyrǵandar Qazaqstanda 1091 adamǵa jetip, 138-i saýyǵyp shyqty.
