2021 jylǵy 21-25 sáýir aralyǵynda korei filmderiniń onlain festivali ótedi. Is-sharany Koreia Respýblikasy Elshiliginiń Korei mádeni ortalyǵy uiymdastyrady, dep habarlaidy "Ult aqparat".
Bes kúnge jalǵasatyn atalǵan is-shara aiasynda Korei mádeni ortalyǵynyń resmi saitynda tanymal korei rejisseri Pon Djýnhonyń «Parazitter» filmi kórsetiledi.
Aita keteiik, «Parazitter» triller elementteri bar komediialyq-dramalyq filmi Oskardyń 6 nominatsiiasyna ilingen edi.
Nátijesinde, 2020 jyly shyǵarmashylyq top «Úzdik film», «Úzdik rejisserlik jumys», «Úzdik túpnusqa stsenarii», «Shet tilindegi úzdik film» nominatsiialardynda 4 músinsheni ielendi.
Festivaldiń maqsaty – Qazaqstan halqyn korei kinematografy salasymen jaqyn tanystyrý.
«Biz pandemiiaǵa qatysty ahýal barynsha jyldam jaqsarǵanyn tileimiz. Biyl mańyzdy data, iaǵni Qazaqstan Táýelsizdiginiń 30 jyldyǵy aiasynda túrli is-sharalar eskerilgen. Jalpy, Qazaqstan men Koreia Respýblikasy arasyndaǵy mádeniet salasyndaǵy bailanystar túrli is-sharalar arqasynda jandanady dep senemiz. Bul turǵyda eki el halqynyń tereń ózara túsinistigine yqpal etetin bolady», - dedi Korei mádeni ortalyǵynyǵ direktory Li Heran.
