2021 جىلعى 21-25 سەۋٸر ارالىعىندا كورەي فيلمدەرٸنٸڭ ونلاين فەستيۆالٸ ٶتەدٸ. ٸس-شارانى كورەيا رەسپۋبليكاسى ەلشٸلٸگٸنٸڭ كورەي مەدەني ورتالىعى ۇيىمداستىرادى, دەپ حابارلايدى "ۇلت اقپارات".
بەس كٷنگە جالعاساتىن اتالعان ٸس-شارا اياسىندا كورەي مەدەني ورتالىعىنىڭ رەسمي سايتىندا تانىمال كورەي رەجيسسەرٸ پون دجۋنحونىڭ «پارازيتتەر» فيلمٸ كٶرسەتٸلەدٸ.
ايتا كەتەيٸك, «پارازيتتەر» تريللەر ەلەمەنتتەرٸ بار كومەدييالىق-درامالىق فيلمٸ وسكاردىڭ 6 نوميناتسيياسىنا ٸلٸنگەن ەدٸ.
نەتيجەسٸندە, 2020 جىلى شىعارماشىلىق توپ «ٷزدٸك فيلم», «ٷزدٸك رەجيسسەرلٸك جۇمىس», «ٷزدٸك تٷپنۇسقا ستسەناريي», «شەت تٸلٸندەگٸ ٷزدٸك فيلم» نوميناتسييالاردىندا 4 مٷسٸنشەنٸ يەلەندٸ.
فەستيۆالدٸڭ ماقساتى – قازاقستان حالقىن كورەي كينەماتوگرافى سالاسىمەن جاقىن تانىستىرۋ.
«بٸز پاندەميياعا قاتىستى احۋال بارىنشا جىلدام جاقسارعانىن تٸلەيمٸز. بيىل ماڭىزدى داتا, ياعني قازاقستان تەۋەلسٸزدٸگٸنٸڭ 30 جىلدىعى اياسىندا تٷرلٸ ٸس-شارالار ەسكەرٸلگەن. جالپى, قازاقستان مەن كورەيا رەسپۋبليكاسى اراسىنداعى مەدەنيەت سالاسىنداعى بايلانىستار تٷرلٸ ٸس-شارالار ارقاسىندا جاندانادى دەپ سەنەمٸز. بۇل تۇرعىدا ەكٸ ەل حالقىنىڭ تەرەڭ ٶزارا تٷسٸنٸستٸگٸنە ىقپال ەتەتٸن بولادى», - دەدٸ كورەي مەدەني ورتالىعىنىع ديرەكتورى لي حەران.
