Qazaqstanda kommýnaldyq qyzmet túrlerin kórsetý salasynda deldaldar jumys istei me? Bul suraqqa QR UEM Tabiǵi monopoliialardy retteý komitetiniń tóraǵasy Asan Darbaev jaýap berdi, dep habarlaidy QazAqparat.
«Jalpy qyzmetti usynatyn árbir toptyń óz mindettemesi bar. Máselen biz jylýmen qamtý týraly aitar bolsaq, bul rette qyzmettiń úsh túri – óndiris, kólikpen jetkizý, qamtý sharýalary týraly sóz qozǵaimyz. Bul júiede qandai da bir deldal joq», - dedi Asan Darbaev OKQ-da ótken baspasóz máslihatynda.
Onyń aitýynsha sýmen qamtý júiesi de osyǵan uqsas.
«Sýmen qamtý jáne tasymaldaý sharýasyn bir zańdy tulǵa atqarady. Monopoliiaoyq salanyń ózi jetkizýshiniń bireý ekenin kórsetedi. Elektr energiiasyna keler bolsaq, bul baǵytta da óndirýshiler, tasymaldap jetkizýshi ulttyq operator bar. Jalpy bul salaǵa salalyq ministrlik, iaǵni Energetika ministrligi jaýap beredi. Ministrlik atalǵan uiymdardyń jumysyna turaqty túrde taldaý júrgizedi», - dedi Asan Darbaev.
