Qazaqstada qolma-qol aqshasyz operatsiialar sany artyp keledi. Bul týraly búgin Úkimet otyrysynda QR Ulttyq bank tóraǵasy Ǵalymjan Pirmatov aitty, dep habarlaidy QazAqparat.
«Biylǵy jyldyń qańtar aiynda Ulttyq bank tólem júieleri arqyly 52,5 trln teńge somasyna 4,2 mln tranzaktsiia júrgizildi. Ortasha alǵanda, bir kúnde tólem júieleri arqyly 2,9 trln teńge somasyna 232,5 myń tranzaktsiia oryn aldy. 2022 jylǵy qańtarda qolma-qol aqshasyz operatsiialardyń sany men kólemi 5,4 trln teńge somasyna 438,5 mln tranzaktsiiany qurady», - dedi ol.
Ǵalymjan Pirmatovtyń aitýynsha, qazaqstandyq bankterdiń el ishinde klienttik jáne menshikti tólemder men aqsha aýdarymdaryn júrgizý boiynsha barlyq operatsiialary shtattyq rejimde júzege asyrylýda.
«Ulttyq bank naqty ýaqyt rejiminde jaǵdaidyń damýyn jáne olardyń naryqtarǵa yqpalyn qadaǵalap otyrady. Qazaqstannyń qarjy júiesine Reseige qarsy sanktsiialardyń áser etý dárejesin baǵalap, qarjy jáne baǵa turaqtylyǵyn qamtamasyz etý úshin is-sharalar qabyldaýdy jalǵastyrady», - dedi Ulttyq bank tóraǵasy.
