Qazaqstanda kollektorlyq kompaniialarǵa boryshkerdiń jaqyn týystarynan basqa tanystaryna bailanysqa shyǵýyna shekteý engizilmek, dep habarlaidy QazAqparat.
Qazaqstan kollektorlary odaǵynyń tóraǵasy Iýrii Lidiń aitýynsha, mundai usynystar qarjy qyzmetteri tutynýshylarynyń quqyqtaryn qorǵaýǵa baǵyttalǵan nusqaýlarda qamtylǵan.
«Atap aitqanda, kollektorlarǵa boryshkerdiń jaqyn týystarynan ózge tanystaryna, iaǵni úshinshi adamdarǵa bailanysqa shyǵýyna shekteý qarastyrylǵan. Bul turǵyda boryshkerdiń turǵylyqty jerin nemese bailanys málimetterin anyqtaý maqsatynda ǵana týystaryna habarlasý múmkindigi beriledi. Osy arqyly merzimi ótip ketken qaryzdy sotqa deiin qaitarý maqsatynda kollektorlarǵa úshinshi adamdardyń mazasyn alýyna jol berilmeidi. Bul óz kezeginde turǵyndar tarapynan shyǵamdardy aitarlyqtai azaitýǵa septigin tigizedi», - dedi Iýrii Li Parlament Senatyndaǵy dóńgelek ústel otyrysynda.
Onyń sózine qaraǵanda, kollektorlyq agenttikterdiń mindetine boryshkermen ózara is-qimyldyń barlyq protsesin tirkeý eskerilip otyr. Osy oraida dybys jáne beine quryldary arqyly, onyń ishinde telefon bailanystaryn jazyp alý qarastyrylǵan. Bul qadam boryshkerlermen bailanysqa shyǵý kezinde quqyq buzýshylyqtyń oryn alý nemese bolmaýy jaǵdaiyn jeńil anyqtaý úshin iske asyrylmaq.
