Avtosarapshylar Qazaqstanda kólik qymbattaýy múmkin ekenin aitty, - dep habarlaidy Massaget.kz portaly Atameken Business saityna silteme jasap.
Sarapshylardyń sózinshe, buǵan AQSh-tan Qytaiǵa mikrochipterdi eksporttaýǵa qoiylǵan shekteýler sebep bolýy múmkin.
Qytai men Ońtústik-Shyǵys Aziia elderi álemdegi eń iri avtoóndirýshiler úshin jartylai ótkizgishterdi jetkizýdegi negizgi memleketter. Engizilgen shekteýler jaǵdaidy ýshyqtyrýy múmkin.
Keiingi eki jylda álemde chip óndirisiniń tapshylyǵy shamamen 10 paiyz bolǵan. Al mundai kórsetkishtermen kólik baǵasy shamamen 15-25 paiyzǵa qymbattaidy.
Degenmen sarapshylar avtokólik baǵasynyń ósýi uzaqqa barmaitynyn, shekteýler aiasynda baǵanyń kúrt ósýi spekýliatsiialyq maqsatta bolatynyn aitady.
"Baǵanyń ósýi jalǵasady. Osyny paidalanyp spekýliatsiialyq áreketter bolady, qysqa merzimdi ósim bolady, biraq bul tyiym salýmen tikelei bailanysty emes. Baǵanyń ósýi burynnan beri kele jatyr. Uzaq ýaqyt boiy biz odan aryla almaimyz. Ol kem degende alty ai jalǵasady. Barlyǵy qymbattaidy", - dedi avtosarapshy Pavel Fedotov.
