Qazaqstanda kólik qujattaryn basqarýdyń biryńǵai júiesi ázirlenedi. Bul týraly búgin Májilistiń jalpy QR Ulttyq ekonomika ministri Rýslan Dálenov aitty, dep habarlaidy "Ult aqparat".
Ministrdiń atap ótýinshe, mundai shara «QR-nyń keibir zańnamalyq aktilerine ekonomikalyq ósýdi qalpyna keltirý máseleleri boiynsha ózgerister men tolyqtyrýlar engizý týraly» zań jobasynda kózdelgen.
«Tsifrlandyrý boiynsha zańnamalyq deńgeide jasandy intellektiniń ulttyq platformasyn qalyptastyrýǵa jaǵdai jasaityn túzetýlerdi bekitý usynylady. Avtomobil kóligi salasynda Ziiatkerlik kólik júiesin damytý, tasymaldaýshylar úshin ruqsat blankilerin berý protsesin avtomattandyrý, elder arasyndaǵy qatynastar tranzitin monitoringileý úshin aqparattyq baza qurý boiynsha túzetýler kózdeledi. Bul Kólik qujattaryn basqarýdyń biryńǵai júiesin engizýge múmkindik beredi», - dedi Rýslan Dálenov.
Sondai-aq, onyń aitýynsha, zań jobasynda derbes derekterdi jinaýmen, óńdeýmen jáne qorǵaýmen bailanysty túzetýler usynylady.
