Maqasheva avtosalondardyń bárinde derlik kólikter baǵasy burynǵysynsha saqtalyp otyrǵanyn aitty.
"Olar baǵany áli rettegen joq, óitkeni olar kólikterdi erterek satyp alǵan. Buryn rásimdelgenniń bári burynǵy baǵamen satylady. Biraq keibir avtosalondar qazirdiń ózinde ózgerdi, men bul dollarǵa nemese basqa nársege bailanysty ekenin bilmeimin. Mysaly, Reseiden kólik alatyn Nissan avtosalony baǵa belgilerin 1,5 million teńgege joǵarylatyp ózgertti.
Reseilik zaýyttar Nissan-nan basqa Volkswagen, Jaguar Land Rover, Haval jáne Toyota Camry shyǵarady. Volkswagen brendteri Reseide óndirisin toqtatatynyn málimdegen bolatyn. Haval markasynda másele bar-joǵy áli aitylmady. Toyota-ǵa kelsek, barlyq model Japoniiadan jetkiziledi, tek Camry Reseide shyǵarylady", - dedi QABQ vitse-prezidenti.
Aita keteiik, byltyr Qazaqstanda satylǵan árbir tórtinshi kólik reseilik avtokólik zaýyttarynda shyǵarylǵan.
"Qazir bizdiń distribiýtorlar reseilik porttarda shekteýler bolǵan jaǵdaida jetkizýdiń basqa joldaryn qarastyryp jatyr. Olar basqa jetkizý tizbegine qaita baǵdarlanady. Bireýin taýyp, onymen kelisý qiyn emes, bul saladaǵy adamdar kásibi mamandar jáne onda bári oilansytyrlǵan.
Biraq tutastai alǵanda Ýkrainadaǵy jaǵdai men Batystyń sanktsiialary Qazaqstan ekonomikasyna keri áserin tigizedi. Bárine qiyn bolady, biraq avtomobil ónerkásibinde jaǵdai áldeqaida qiyn. Adamdar kólikti bes jylda bir satyp alady. Al qazir muny keiinge shegere alady, óitkeni bul mańyzdy taýar emes. Sondyqtan satylym tómendeýi múmkin", - dep boljaidy ol.
Maqashevanyń aitýynsha, Qazaqstanǵa kólikterdiń jańa partiiasy burynǵy baǵamen, biraq shetel valiýtasymen ákelinedi. Al satyp alýshy baǵam sýda kúni qandai bolady sol baǵammen tólem jasaidy.
Búginde qazaqstandyq avtokólik brendteri arasynda Hyundai, Toyota jáne Chevrolet tanymal. Astana Motors málimetinshe, brend ieleri Qazaqstanǵa kólik jetkizýdi shekteý týraly ázirge resmi málimdeme jasaǵan joq.
Sarapshy Edýard Edokov kúrdeli geosaiasi jaǵdaiǵa bailanysty alǵashqy avtokólik naryǵyndaǵy baǵa jaqyn arada ósedi dep esepteidi.
"Kólik baǵasy mindetti túrde kóteriledi. Biraq bul biz úshin jańalyq emes, óitkeni kólikter bir jyldan astam qymbattap jatyr. Buǵan deiin pandemiia, logistika baǵanyń ósýine sebep bolǵan. Osy faktorlardyń bári eskerilip, bul joly baǵanyń 10-20 paiyzǵa kóterilýi múmkin. Endi kúrdeli geosaiasi jaǵdaiǵa bailanysty Resei men Ýkraina arasyndaǵy soǵysqa qatysty barlyq nárse osy negizgi boljamnyń ústine qoiylady.
Óitkeni kólikter Resei arqyly ótti, sonyń ishinde Lada. Al bul brendti óndirýshi qazirdiń ózinde baǵany 20 paiyzǵa ósiretinin málimdegen. Biraq bul shek emes dep oilaimyn, óitkeni Reseige qysym kúsheiip keledi: bul rýbldiń qunsyzdanýy, quramdas bólikterdiń tapshylyǵy jáne t.b. Osynyń bári baǵanyń ósýine yqpal etedi", - dep túsindirdi ol.
Sarapshynyń aitýynsha, keibir eýropalyq markaly avtokólikter Qazaqstanǵa Resei arqyly ótken iri jiyntyq tapsyrystar arqyly jetkizilgen.
"Bul tapsyrystyń bir bóligi Qazaqstanǵa tústi. Qazir bul aǵyn tolyǵymen derlik toqtady, sáikesinshe, bul kólik tapshylyǵyn týdyrady. Al tapshylyq, ózderińiz biletindei, baǵanyń ósýine ákeledi. Qazir bizdiń logistikalyq tizbegimiz buzyldy, sondyqtan Eýropalyq brendterge ózimiz tapsyrys berip, bul kólikter Reseidi ainalyp ótip, Qazaqstanǵa qalai jetkiziletinin oilastyrýymyz kerek", -dedi Edokov.
