QR Indýstriia jáne infraqurylymdyq damý ministrligi jeńildetilgen avtonesieleý baǵdarlamasyn qaita iske qosýdyń birneshe nusqasyn qarastyryp jatyr, dep habarlaidy QazAqparat.
«Otandyq avtomobilderdi halyqqa qoljetimdi etý úshin ministrlik jeńildikpen nesie berý baǵdarlamasyna biýdjetten qosymsha qarajat bólý máselesin pysyqtaýda.
Budan basqa, Prezidenttiń tapsyrmasy boiynsha halyqqa jeńildikpen avtonesie berýdiń jańa baǵdarlamasy ázirlenedi. Qazirgi ýaqytta baǵdarlamany qaita iske qosýdyń birneshe nusqasy qarastyrylyp jatyr», - delingen atalǵan ministrliktiń aqparatynda.
Vedomstvo málimetinshe, onyń birinde kópbalaly otbasylardy, kúsh qurylymdary qyzmetkerlerin, dárigerler men muǵalimderdi qoldaý jóninde kishi baǵdarlama qosý usynylady. Sondai-aq «Birinshi otbasylyq avtomobil» kishi baǵdarlamasynqosý múmkindigi qarastyrylǵan.
Buǵan deiin QR Indýstriia jáne infraqurylymdyq damý vitse-ministri Marat Qarabaev ústemesi jyldyq 4 paiyzdan aspaityn, bastapqy jarnasyz avtokólik satyp alý múmkindigi qarastyrylyp jatqanyn aitqan bolatyn.
Esterińizge sala ketsek, jeńildetilgen avtonesieleý baǵdarlamasy 2015 jyly iske qosylǵan bolatyn. Ol 20 jylǵa eseptelgen jáne «revolverlik» ádiske negizdelgen. Qarjylandyrýdyń jalpy shegi – 82 mlrd teńge. Baǵdarlama iske asyrylǵan sátten bastap revolverlik-qaitarymdy qarajatty eskere otyryp, 159 mlrd teńgege 30 525 qaryz berildi. Qazirdiń ózinde 80 myńǵa jýyq adam otandyq avtokólikterdi satyp alǵan.
Jeńildikpen avtonesie berý baǵdarlamasynyń sharttary:
- 1 jeńil avtokólik quny 15 mln teńgeden;
- nesie merzimi – 7 jyldan;
- sońǵy qaryz alýshy úshin nominaldyq syiaqy mólsherlemesi jyldyq 4% aspaýy tiis;
Búgingi tańda osy baǵdarlamamen satyp alý úshin elimizde qurastyrylǵan: Hyundai, KIA, JAC, Chevrolet jáne LADA siiaqty avtomobilder qoljetimdi.
