Aqparat jáne qoǵamdyq damý ministri Aida Balaeva Prezidenttiń qoǵamdyq baqylaý týraly zań ázirleý tapsyrmasy qalai oryndalyp jatqanyn aityp berdi, dep habarlaidy QazAqparat.
Memleket basshysy Qasym-Jomart Toqaev memlekettik organdar men kvazimemlekettik sektordyń ashyqtyǵy men qoǵamǵa esep berýin arttyrýǵa baǵyttalǵan «Qoǵamdyq baqylaý týraly» zańdy ázirleý jóninde tapsyrma bergen bolatyn.
Aqparat jáne qoǵamdyq damý ministri Aida Balaeva Prezident Joldaýynyń negizgi erejelerin túsindirý jóninde OKQ-da ótken baspasóz máslihatynda búgin de qoǵamdyq baqylaýdyń ártúrli nysandary qoǵamdyq keńester, memlekettik qyzmetter, ekologiia, jer qoinaýyn paidalaný jáne basqa da qyzmetter týraly birqatar zańnamalyq aktilermen retteletinin atap ótti. Alaida búgin qoǵamdyq baqylaý qaǵidalaryn bir júiege keltirip, onyń qoldanys aiasyn arttyratyn biryńǵai bekitilgen qurylym túzýshi naqty erejeleri joq. Osyǵan bailanysty qoǵamdyq baqylaý týraly jańa zańnyń asa qajettiligi týyndap otyr. Bul Konstitýtsiiada jáne konstitýtsiialyq zańdarda, sondai-aq naqty zańdar men erejelerde bekitilgen qoǵamdyq baqylaý qaǵidattaryn qurylymdaýǵa jáne olardyń qoldanylýyn arttyrýǵa múmkindik beredi.
«Arnaiy jumys toby quryldy. Zań jobasy qoǵamdyq baqylaýdyń eń mańyzdy degen printsipterin bekitedi. Atap aitqanda, adam jáne azamattar quqyǵynyń basymdyǵy, qoǵamdyq baqylaý sýbektileriniń ashyqtyǵy men obektivtiligi, qoǵamdyq baqylaýǵa kedergi keltirýge jol bermeý, olardyń qyzmeti týraly aqparattyń qoljetimdiligi jáne taǵy basqa máseleler qamtylady. Árine, qujat jobasy daiyn bolǵan soń, ol mindetti túrde keń aýqymdy qoǵamdyq talqylaýǵa usynylady», - dep atap ótti Aida Balaeva.
Ministrdiń sózinshe zańdy qabyldaý 2021 jyldyń maýsymyna josparlanyp otyr.
