Qazaqstanda kirgen júk kóliginiń bárine navigatsiialyq plomba ornatylmaq. Osylaisha Memlekettik kirister komiteti el aýmaǵyndaǵy júk tasymalyn qadaǵalap otyrady, dep habarlaidy QazAqparat.
«Jyl saiyn EAEO-ǵa múshe memleketterden Qazaqstanǵa keletin kólikterdiń sany artyp keledi. Sol sebepti bizdiń aldymyzdaǵy ótkir máseleniń biri – zamanǵa sai tehnologiialardy paidalana otyryp, olardy qadaǵalaý. Sondyqtan navigatsiialyq plomba institýtyn engizip jatyrmyz. Mundai navigatsiialyq plombalardy kólikke taǵý jumysy bar-joǵy bir minýt ýaqytty alady», - dedi Qarjy vitse-ministri Qanat Baedilov Májilistiń jalpy otyrysynda.
Qarjy vitse-ministri bul rette naviatsiialyq plombalar ne úshin qoldanylatynyn aityp berdi.
«Qazaqstan shekarasyna júk kóligi qalai keledi – biz birden sol kólikke plombalardy qosyp, iske qosamyz. Navigatsiialyq plombanyń signaly Memlekettik kirister komitetiniń sitýatsiialyq ortalyǵyna túsedi. Biz bul avtokólik quraldarynyń qozǵalysyn baqylap otyramyz. Eger kólik jospardan tys basqa jolmen ketse nemese naviatsiialyq plomba ádeii alynyp tastalsa – Memlekettik kirister komiteti jedel áreket etedi. Bizdiń qolymyz uzyn. Óńirlerdiń bárinde Memlekettik kirister komitetiniń óńirlik bólimsheleri bar. Zań jobasyn ázirleý barysynda Memlekettik kirister komiteti, Ishki ister ministrligi men Ekonomikalyq tergeý qyzmeti ózara áreket etý tártibin retke keltiredi. Tiisinshe ereje buzýshylarǵa ýaqtyly áreket etetin kúsh pen quziret bolady», - dedi ol.
