قازاقستاندا كٸرگەن جٷك كٶلٸگٸنٸڭ بەرٸنە ناۆيگاتسييالىق پلومبا ورناتىلماق. وسىلايشا مەملەكەتتٸك كٸرٸستەر كوميتەتٸ ەل اۋماعىنداعى جٷك تاسىمالىن قاداعالاپ وتىرادى, دەپ حابارلايدى قازاقپارات.
«جىل سايىن ەاەو-عا مٷشە مەملەكەتتەردەن قازاقستانعا كەلەتٸن كٶلٸكتەردٸڭ سانى ارتىپ كەلەدٸ. سول سەبەپتٸ بٸزدٸڭ الدىمىزداعى ٶتكٸر مەسەلەنٸڭ بٸرٸ – زامانعا ساي تەحنولوگييالاردى پايدالانا وتىرىپ, ولاردى قاداعالاۋ. سوندىقتان ناۆيگاتسييالىق پلومبا ينستيتۋتىن ەنگٸزٸپ جاتىرمىز. مۇنداي ناۆيگاتسييالىق پلومبالاردى كٶلٸككە تاعۋ جۇمىسى بار-جوعى بٸر مينۋت ۋاقىتتى الادى», - دەدٸ قارجى ۆيتسە-مينيسترٸ قانات باەديلوۆ مەجٸلٸستٸڭ جالپى وتىرىسىندا.
قارجى ۆيتسە-مينيسترٸ بۇل رەتتە ناۆياتسييالىق پلومبالار نە ٷشٸن قولدانىلاتىنىن ايتىپ بەردٸ.
«قازاقستان شەكاراسىنا جٷك كٶلٸگٸ قالاي كەلەدٸ – بٸز بٸردەن سول كٶلٸككە پلومبالاردى قوسىپ, ٸسكە قوسامىز. ناۆيگاتسييالىق پلومبانىڭ سيگنالى مەملەكەتتٸك كٸرٸستەر كوميتەتٸنٸڭ سيتۋاتسييالىق ورتالىعىنا تٷسەدٸ. بٸز بۇل اۆتوكٶلٸك قۇرالدارىنىڭ قوزعالىسىن باقىلاپ وتىرامىز. ەگەر كٶلٸك جوسپاردان تىس باسقا جولمەن كەتسە نەمەسە ناۆياتسييالىق پلومبا ەدەيٸ الىنىپ تاستالسا – مەملەكەتتٸك كٸرٸستەر كوميتەتٸ جەدەل ەرەكەت ەتەدٸ. بٸزدٸڭ قولىمىز ۇزىن. ٶڭٸرلەردٸڭ بەرٸندە مەملەكەتتٸك كٸرٸستەر كوميتەتٸنٸڭ ٶڭٸرلٸك بٶلٸمشەلەرٸ بار. زاڭ جوباسىن ەزٸرلەۋ بارىسىندا مەملەكەتتٸك كٸرٸستەر كوميتەتٸ, ٸشكٸ ٸستەر مينيسترلٸگٸ مەن ەكونوميكالىق تەرگەۋ قىزمەتٸ ٶزارا ەرەكەت ەتۋ تەرتٸبٸن رەتكە كەلتٸرەدٸ. تيٸسٸنشە ەرەجە بۇزۋشىلارعا ۋاقتىلى ەرەكەت ەتەتٸن كٷش پەن قۇزٸرەت بولادى», - دەدٸ ول.
