Foto: elements.envato.com
Ulttyq ekonomika vitse-ministri Azamat Amrin jańa Salyq kodeksin ázirleý barysy týraly aitty, - dep habarlaidy Tengrinews.kz saity.
Vitse-ministrdiń aitýynsha, jańa fiskaldyq zańnamaǵa sáikes úshten asa páter men jer telimi ielerine salyq kóbeiedi.
"Máselen, múlik salyǵy. Bizde qazir jeke tulǵalardyń múlkine salyq salynady jáne salyq salýdyń progressivti shkalasy bar. Baǵa neǵurlym qymbat bolsa, tarif soǵurlym joǵary bolady: 0,01-den 1,5 paiyzǵa deiin. Menshiginde ondaǵan páteri bar salyq tóleýshiler bar. Eger árbir jeke páter satyp alynsa, tarif nysannyń jeke qunyna qoldanylady. Aitalyq, bir bólmeli páter 20 million teńge - tarif bir. Eger 10 páter bolsa, bul 200 million teńge shkala joǵary jáne sáikesinshe tarif áldeqaida joǵary bolady. Sondyqtan, mundai sanattar úshin múlik salyǵy jiyntyqta esepteledi dep boljanyp otyr. Ol áldeqaida joǵary bolady, salyq ulǵaiady", - dedi vitse-ministr Senatta ótken dóńgelek ústel barysynda.
