2022 jylǵy 1 qańtardaǵy jaǵdai boiynsha Qazaqstan aýmaǵynda 8 halyqaralyq aqsha aýdarymy júiesi (Zolotaia korona, Vestern Iýnion, Iýnistrim, Contact, Faster, MoneyGram jáne basqalar) jumys isteidi, dep habarlaidy QazAqparat.
Ulttyq banktiń málimetinshe, osy júieler arqyly jiberilgen aqsha aýdarymdarynyń jiyntyq kólemi 2021 jyly 1,364 trln teńgeni quraǵan.
Tranzaktsiialar sany – 4,3 mln.
2020 jylmen salystyrǵanda bul kórsetkish 21%-ǵa ósken.
Qazaqstannan shetelge jiberilgen aqsha aýdarymdarynyń kólemi 28,3%-ǵa artsa, shetelden Qazaqstanǵa – 1,2%-ǵa qysqardy.
El ishindegi aqsha aýdarymdarynyń kólemi 35,4%-ǵa ulǵaiyp, 70,4 mlrd tengeni qurady.
2021 jyly Qazaqstannan shetelge HAAJ arqyly jiberilgen aqsha aýdarymdarynyń kólemi 1,010 trln teńge boldy.
Shetelge jóneltilgen aqsha aýdarymdarynyń negizgi úlesi Ózbekstanǵa (29,5%), Túrkiiaǵa (20,9%), Resei Federatsiiasyna (17,5%), Qyrǵyzstanǵa (14,3%) tiesili. Shetelden Qazaqstanǵa ótken jyly 283,5 mlrd teńge kelip túsken.
Qazaqstanǵa aqsha aýdarymdary negizinen Resei Federatsiiasynan (18,7%), Ózbekstannan (17,6%), Ońtústik Koreiadan (14,0%), Qyrǵyzstannan (12,0%) jáne AQSh-tan (11,8%) boldy.
