Qazaqstanda halyqaralyq tasymaldardy qadaǵalaýdyń aqparattyq júiesi qurylady. Buǵan qatysty tiisti zań jobasy búgin Parlament Májilisiniń qabyrǵasynda tanystyryldy, dep habarlaidy QazAqparat.
«QR keibir zańnamalyq aktilerine halyqaralyq avtomobil tasymaldaryn qadaǵalap otyrý máseleleri boiynsha ózgerister men tolyqtyrýlar engizý týraly» zań jobasy navigatsiialyq plombalardy paidalana otyryp, tranzittik tasymaldy qadaǵalaý boiynsha Memleket basshysy bergen tapsyrmany oryndaý maqsatynda ázirlendi. Zań jobasy arqyly Ákimshilik quqyqbuzýshylyq týraly kodekske, sonymen birge Kólik quraldary týraly zańǵa ózgerister engizýdi kózdep, halyqaralyq tasymaldardy qadaǵalaýdyń aqparattyq júiesi, navigatsiialyq plombalar sekildi túsinikti engizýdi qarastyrady», - dedi zań jobasyn tanystyrǵan depýtat Pavel Kazantsev.
Sonymen qatar zań jobasy QR Úkimetine halyqaralyq tasymaldardy qadaǵalap otyrý júiesiniń ulttyq operatoryn aiqyndaý boiynsha quzyrettilik berýdi, halyqaralyq avtomobil tasymaldaryn júzege asyrý kezinde elektrondyq sáikestendirgishterdi (navigatsiialyq plombalardy) paidalaný bóliginde tasymaldaýshylarǵa qoiylatyn talaptardy belgileýdi, elektrondyq sáikestendirgishterdi qasaqana búldirgeni nemese joiǵany úshin ákimshilik jaýaptylyqty engizýdi kózdeidi.
Sonymen qatar, zań jobasynda elektrondyq sáikestendirgishterdi paidalaný tártibin salyq jáne biýdjetke tólenetin basqa da mindetti tólemderdiń túsýin qamtamasyz etý salasynda basshylyqty júzege asyratyn ýákiletti organnyń bekitýi usynylady.
