قازاقستاندا حالىقارالىق تاسىمالداردى قاداعالاۋدىڭ اقپاراتتىق جٷيەسٸ قۇرىلادى. بۇعان قاتىستى تيٸستٸ زاڭ جوباسى بٷگٸن پارلامەنت مەجٸلٸسٸنٸڭ قابىرعاسىندا تانىستىرىلدى, دەپ حابارلايدى قازاقپارات.
«قر كەيبٸر زاڭنامالىق اكتٸلەرٸنە حالىقارالىق اۆتوموبيل تاسىمالدارىن قاداعالاپ وتىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ناۆيگاتسييالىق پلومبالاردى پايدالانا وتىرىپ, ترانزيتتٸك تاسىمالدى قاداعالاۋ بويىنشا مەملەكەت باسشىسى بەرگەن تاپسىرمانى ورىنداۋ ماقساتىندا ەزٸرلەندٸ. زاڭ جوباسى ارقىلى ەكٸمشٸلٸك قۇقىقبۇزۋشىلىق تۋرالى كودەكسكە, سونىمەن بٸرگە كٶلٸك قۇرالدارى تۋرالى زاڭعا ٶزگەرٸستەر ەنگٸزۋدٸ كٶزدەپ, حالىقارالىق تاسىمالداردى قاداعالاۋدىڭ اقپاراتتىق جٷيەسٸ, ناۆيگاتسييالىق پلومبالار سەكٸلدٸ تٷسٸنٸكتٸ ەنگٸزۋدٸ قاراستىرادى», - دەدٸ زاڭ جوباسىن تانىستىرعان دەپۋتات پاۆەل كازانتسەۆ.
سونىمەن قاتار زاڭ جوباسى قر ٷكٸمەتٸنە حالىقارالىق تاسىمالداردى قاداعالاپ وتىرۋ جٷيەسٸنٸڭ ۇلتتىق وپەراتورىن ايقىنداۋ بويىنشا قۇزىرەتتٸلٸك بەرۋدٸ, حالىقارالىق اۆتوموبيل تاسىمالدارىن جٷزەگە اسىرۋ كەزٸندە ەلەكتروندىق سەيكەستەندٸرگٸشتەردٸ (ناۆيگاتسييالىق پلومبالاردى) پايدالانۋ بٶلٸگٸندە تاسىمالداۋشىلارعا قويىلاتىن تالاپتاردى بەلگٸلەۋدٸ, ەلەكتروندىق سەيكەستەندٸرگٸشتەردٸ قاساقانا بٷلدٸرگەنٸ نەمەسە جويعانى ٷشٸن ەكٸمشٸلٸك جاۋاپتىلىقتى ەنگٸزۋدٸ كٶزدەيدٸ.
سونىمەن قاتار, زاڭ جوباسىندا ەلەكتروندىق سەيكەستەندٸرگٸشتەردٸ پايدالانۋ تەرتٸبٸن سالىق جەنە بيۋدجەتكە تٶلەنەتٸن باسقا دا مٸندەتتٸ تٶلەمدەردٸڭ تٷسۋٸن قامتاماسىز ەتۋ سالاسىندا باسشىلىقتى جٷزەگە اسىراتىن ۋەكٸلەتتٸ ورگاننىڭ بەكٸتۋٸ ۇسىنىلادى.
