Jeksenbi, 7 naýryz kúni Qazaqstan densaýlyq saqtaý ministrligi koronavirýspen taǵy 854 naýqas, toǵyz ólim tirkelgenin habarlady. Onyń ishinde koronavirýs pnevmoniiasymen (KVI-) tirkelgeni – 52. Qaitys bolǵandardyń úsheýi osy sanattaǵy naýqastar qatarynan anyqtalǵan.
Osylaisha, Qazaqstanda 28 aqpan men 6 naýryz aralyǵyndaǵy bir aptada barlyǵy 5564 naýqas, 67 ólim tirkelip otyr. Onyń ishindegi 5292 naýqas, 49 ólim KVI+ sanatynan (PTR testi oń shyqqan), 272 naýqas, 18 ólim KVI- sanatynan (PTR testimen rastalmaǵan) anyqtalǵan.
Osymen virýs juqtyrǵany PTR testimen rastalǵan naýqastardyń jalpy sany 218 101-ge jetip otyr. Onyń ishinde 201 750 adam jazylyp shyqqan, 2805 adam qaitys bolǵan. Qazaqstan úkimeti Covid ólimi statistikasyna koronavirýs juqtyrǵany rastalǵan, biraq "ilespe aýrýdan qaitys boldy" degen júzdegen adamdy qospai otyr.
Virýs juqtyrǵany PTR testimen rastalmaǵan, biraq aýrý belgileri boiynsha soǵan uqsaityn koronavirýs pnevmoniiasymen tirkelgender sany (statistikasy 2020 jylǵy 1 tamyzdan bastap júrgiziledi) 49 556-ǵa, qaitys bolǵandar sany 640-qa jetti. Aýrýǵa shaldyqqandardyń 43 608-i jazylyp shyqqan.
Qazir barlyǵy 18 854 adam (13 546 KVI+ i 5 308 KVI-) koronavirýstan emdelip jatyr. 223 naýqastyń jaǵdaiy aýyr, 54 naýqastyń jaǵdaiy óte aýyr, 41 naýqas ókpeni jeldetý apparatyna qosylǵan.
Aimaqtar boiynsha koronavirýs juqtyrǵandar sany:
Nur-Sultan qalasy - 92
Almaty qalasy - 185
Shymkent qalasy - 7
Aqmola oblysy - 65
Aqtóbe oblysy - 17
Almaty oblysy - 61
Atyraý oblysy - 53
Shyǵys Qazaqstan oblysy - 28
Jambyl oblysy - 19
Batys Qazaqstan oblysy - 61
Qaraǵandy oblysy - 50
Qostanai oblysy - 51
Mańǵystaý oblysy - 9
Pavlodar oblysy - 67
Soltústik Qazaqstan oblysy - 32
Túrkistan oblysy - 5
Jalpy el boiynsha aýyrǵandar sany - 218101.
