جەكسەنبٸ, 7 ناۋرىز كٷنٸ قازاقستان دەنساۋلىق ساقتاۋ مينيسترلٸگٸ كوروناۆيرۋسپەن تاعى 854 ناۋقاس, توعىز ٶلٸم تٸركەلگەنٸن حابارلادى. ونىڭ ٸشٸندە كوروناۆيرۋس پنەۆمونيياسىمەن (كۆي-) تٸركەلگەنٸ – 52. قايتىس بولعانداردىڭ ٷشەۋٸ وسى ساناتتاعى ناۋقاستار قاتارىنان انىقتالعان.
وسىلايشا, قازاقستاندا 28 اقپان مەن 6 ناۋرىز ارالىعىنداعى بٸر اپتادا بارلىعى 5564 ناۋقاس, 67 ٶلٸم تٸركەلٸپ وتىر. ونىڭ ٸشٸندەگٸ 5292 ناۋقاس, 49 ٶلٸم كۆي+ ساناتىنان (پتر تەستٸ وڭ شىققان), 272 ناۋقاس, 18 ٶلٸم كۆي- ساناتىنان (پتر تەستٸمەن راستالماعان) انىقتالعان.
وسىمەن ۆيرۋس جۇقتىرعانى پتر تەستٸمەن راستالعان ناۋقاستاردىڭ جالپى سانى 218 101-گە جەتٸپ وتىر. ونىڭ ٸشٸندە 201 750 ادام جازىلىپ شىققان, 2805 ادام قايتىس بولعان. قازاقستان ٷكٸمەتٸ Covid ٶلٸمٸ ستاتيستيكاسىنا كوروناۆيرۋس جۇقتىرعانى راستالعان, بٸراق "ٸلەسپە اۋرۋدان قايتىس بولدى" دەگەن جٷزدەگەن ادامدى قوسپاي وتىر.
ۆيرۋس جۇقتىرعانى پتر تەستٸمەن راستالماعان, بٸراق اۋرۋ بەلگٸلەرٸ بويىنشا سوعان ۇقسايتىن كوروناۆيرۋس پنەۆمونيياسىمەن تٸركەلگەندەر سانى (ستاتيستيكاسى 2020 جىلعى 1 تامىزدان باستاپ جٷرگٸزٸلەدٸ) 49 556-عا, قايتىس بولعاندار سانى 640-قا جەتتٸ. اۋرۋعا شالدىققانداردىڭ 43 608-ٸ جازىلىپ شىققان.
قازٸر بارلىعى 18 854 ادام (13 546 كۆي+ ي 5 308 كۆي-) كوروناۆيرۋستان ەمدەلٸپ جاتىر. 223 ناۋقاستىڭ جاعدايى اۋىر, 54 ناۋقاستىڭ جاعدايى ٶتە اۋىر, 41 ناۋقاس ٶكپەنٸ جەلدەتۋ اپپاراتىنا قوسىلعان.
ايماقتار بويىنشا كوروناۆيرۋس جۇقتىرعاندار سانى:
نۇر-سۇلتان قالاسى - 92
الماتى قالاسى - 185
شىمكەنت قالاسى - 7
اقمولا وبلىسى - 65
اقتٶبە وبلىسى - 17
الماتى وبلىسى - 61
اتىراۋ وبلىسى - 53
شىعىس قازاقستان وبلىسى - 28
جامبىل وبلىسى - 19
باتىس قازاقستان وبلىسى - 61
قاراعاندى وبلىسى - 50
قوستاناي وبلىسى - 51
ماڭعىستاۋ وبلىسى - 9
پاۆلودار وبلىسى - 67
سولتٷستٸك قازاقستان وبلىسى - 32
تٷركٸستان وبلىسى - 5
جالپى ەل بويىنشا اۋىرعاندار سانى - 218101.
