Foto: depositphotos.com
Eńbek jáne halyqty áleýmettik qorǵaý ministri Tamara Dúisenova elde kedeiler sany óskenin málimdedi, dep habarlaidy Sputnik Qazaqstan.
Byltyr Qazaqstanda infliatsiianyń deńgeii 20 protsentten asty. Qymbatshylyq bastaldy. Bunyń barlyǵy halyqtyń turmysyna keri áserin tigizdi. Ony resmi statistika da rastap otyr.
"Ósim bar, kedeilerdiń sany ótken jyly 4,9 bolsa, biyl 5,1 protsentke deiin ósti", - dedi Dúisenova ortalyq kommýnikatsiialar qyzmetinde ótken brifingte.
Ministrdiń aitýynsha, búginde kedeishiliktiń shegi, iaǵni, eń tómengi kúnkóris deńgeii 37 myń teń bolsa da, ár óńirde ártúrli bolyp tur. Mysaly, Mańǵystaý oblysynda - 54 myń teńge, Astanada – 50 myń, Almaty qalasynda – 48 myń teńge.
Osylaisha, respýblika boiynsha ortasha kórsetkish 45 623 teńgeni quraǵan. Odan tómen tabys alatyndardyń sany kóbeiip otyr.
