Reseidiń Ýkrainaǵa qarsy soǵysy bastalǵanan keiin Almatyǵa qonys aýdarǵan belgili reseilik bloger Dania Milohin taǵy da synǵa ushyrady, dep habarlaidy Ulysmedia.kz.
Dinara Sátjanǵa bergen suhbatynda nege ózge el emes, dál Qazaqstanǵa kóship kelýiniń sebebin aitqan Milohin jeli qoldanýshylarynyń ashýyn týdyrdy.
«Birinshiden, til úshin. Bizge adamdarmen aralasyp, jańa tanystar tabý kerek. Bári oryssha sóilegendikten, qiyndyq týmaidy. Máselen, men aǵylshyn nemese basqa tilde suhbat bere almaimyn, aýdarmashy jaldaýǵa týra keler edi», – dep jaýap berdi.
Qazaq tilin úirený qajettiligi bolmaǵany úshin Qazaqstanǵa kelgenin ashyq aityp otyrǵan blogerdiń bul sózinen keiin jurttyń oǵan degen qarsylyǵy tipti údei tústi.
Jelidegilerdiń biri «Jylaityn kúniń alda, aiýǵa namaz úiretkendei qazaqshany úirenersiń áli qinalyp» dese, endi biri qazaq tiliniń qurmettelerine kúmánmen qaraidy: «30 jylda óz tilimizdi tuǵyryna qondyra almai, qańǵyp kelgede qinalmasyn dep osylardyń tilin, mádenietin saqtap otyrǵan qandai halyqpyz...».
Pikir qaldyrǵandardyń taǵy bir toby «Kelgen memlekettiń tilin, dástúrin, saltyn bilýge mindettisiń dep nege aitpaidy» dep tilshige shúilikken.
