رەسەيدٸڭ ۋكرايناعا قارسى سوعىسى باستالعانان كەيٸن الماتىعا قونىس اۋدارعان بەلگٸلٸ رەسەيلٸك بلوگەر دانيا ميلوحين تاعى دا سىنعا ۇشىرادى, دەپ حابارلايدى Ulysmedia.kz.
دينارا سەتجانعا بەرگەن سۇحباتىندا نەگە ٶزگە ەل ەمەس, دەل قازاقستانعا كٶشٸپ كەلۋٸنٸڭ سەبەبٸن ايتقان ميلوحين جەلٸ قولدانۋشىلارىنىڭ اشۋىن تۋدىردى.
«بٸرٸنشٸدەن, تٸل ٷشٸن. بٸزگە ادامدارمەن ارالاسىپ, جاڭا تانىستار تابۋ كەرەك. بەرٸ ورىسشا سٶيلەگەندٸكتەن, قيىندىق تۋمايدى. مەسەلەن, مەن اعىلشىن نەمەسە باسقا تٸلدە سۇحبات بەرە المايمىن, اۋدارماشى جالداۋعا تۋرا كەلەر ەدٸ», – دەپ جاۋاپ بەردٸ.
قازاق تٸلٸن ٷيرەنۋ قاجەتتٸلٸگٸ بولماعانى ٷشٸن قازاقستانعا كەلگەنٸن اشىق ايتىپ وتىرعان بلوگەردٸڭ بۇل سٶزٸنەن كەيٸن جۇرتتىڭ وعان دەگەن قارسىلىعى تٸپتٸ ٷدەي تٷستٸ.
جەلٸدەگٸلەردٸڭ بٸرٸ «جىلايتىن كٷنٸڭ الدا, ايۋعا ناماز ٷيرەتكەندەي قازاقشانى ٷيرەنەرسٸڭ ەلٸ قينالىپ» دەسە, ەندٸ بٸرٸ قازاق تٸلٸنٸڭ قۇرمەتتەلەرٸنە كٷمەنمەن قارايدى: «30 جىلدا ٶز تٸلٸمٸزدٸ تۇعىرىنا قوندىرا الماي, قاڭعىپ كەلگەدە قينالماسىن دەپ وسىلاردىڭ تٸلٸن, مەدەنيەتٸن ساقتاپ وتىرعان قانداي حالىقپىز...».
پٸكٸر قالدىرعانداردىڭ تاعى بٸر توبى «كەلگەن مەملەكەتتٸڭ تٸلٸن, دەستٷرٸن, سالتىن بٸلۋگە مٸندەتتٸسٸڭ دەپ نەگە ايتپايدى» دەپ تٸلشٸگە شٷيلٸككەن.
