تٷركٸستان وبلىسىندا «زاڭ مەن تەرتٸپ» قاعيداتى اياسىندا «ەسٸرتكٸسٸز بولاشاق» اتتى ناشاقورلىققا قارسى فورۋم ٶتتٸ. اۋقىمدى ٸس-شارا وبلىس كٶلەمٸندە ۇيىمداستىرىلعان ونكٷندٸك پروفيلاكتيكالىق جۇمىستارىنىڭ قورىتىندىسىنا ارنالدى.
فورۋمعا تٷركٸستان وبلىسىنىڭ ەكٸمٸ نۇرالحان كٶشەروۆ, پوليتسييا دەپارتامەنتٸنٸڭ باستىعى ارىستانعاني زاپپاروۆ, ۇلتتىق قاۋٸپسٸزدٸك كوميتەتٸ تٷركٸستان وبلىسى بويىنشا دەپارتامەنتٸنٸڭ باسشىسى بولات قالمۇرزاەۆ, قر ٸٸم ەسٸرتكٸ قىلمىسىنا قارسى ٸس-قيمىل كوميتەتٸنٸڭ تٶراعاسى اباي جٷسٸپوۆ, قر قۇرىلتايىنىڭ دەپۋتاتى گٷلٸسحان ناحباەۆا, قازاقستان حالىق كەڭەسٸنٸڭ مٷشەسٸ, «Qazaqstan Team» رەسپۋبليكالىق قوعامدىق جاستار بٸرلەستٸگٸنٸڭ جەتەكشٸسٸ ولجاس سٷلەيمەن, «جايدارمان» جوباسىنىڭ جەتەكشٸسٸ, «قۇرمەت» وردەنٸنٸڭ يەگەرٸ ەسەن ەلەۋكەن, سونداي-اق پروكۋراتۋرا, سوت, پوليتسييا جەنە ٶزگە دە قۇزىرلى ورگانداردىڭ ٶكٸلدەرٸ مەن جاستار قاتىستى.
فورۋم قوناقتارىن پوليتسيياداعى روبوت يت ارنايى قارسى الدى. دروننىڭ كٶمەگٸمەن اۋماقتى باقىلاۋ جەنە قۇقىق بۇزۋشىلىقتاردى انىقتاۋ مٷمكٸندٸكتەرٸ كٶرسەتٸلدٸ. سونىمەن قاتار قىزمەتتٸك يتتەردٸڭ كٶمەگٸمەن جاسىرىلعان ەسٸرتكٸ زاتتارىن تابۋ, ارنايى جاساق قىزمەتكەرلەرٸنٸڭ كٷدٸكتٸنٸ ۇستاۋ كەزٸندەگٸ تاكتيكالىق ەدٸس-تەسٸلدەرٸ كٶپشٸلٸك نازارىنا ۇسىنىلدى. بۇدان كەيٸن قوناقتار «جاس ساقشى» سىنىبى وقۋشىلارىنىڭ سۋرەت, قولٶنەر كٶرمەلەرٸمەن تانىسىپ, پوليتسييانىڭ تەحنيكالىق جابدىقتارىن, تاقىرىپتىق بەينەماتەريالدارىن تاماشالادى.
فورۋمنىڭ رەسمي بٶلٸمٸندە وبلىس ەكٸمٸ نۇرالحان كٶشەروۆ ەسٸرتكٸگە قارسى كٷرەستە مەملەكەتتٸك ورگاندار مەن قوعام بٸرٸگۋٸ كەرەكتٸگٸن اتاپ ٶتتٸ.
– بٷگٸنگٸ باسقوسۋىمىزدا بٸز تەك ەسٸرتكٸ مەن ناشاقورلىقتىڭ زييانى تۋرالى عانا ەمەس, جاس ۇرپاقتىڭ بولاشاعى تۋرالى دا سٶز قوزعايمىز. مەملەكەت باسشىسى قاسىم-جومارت كەمەلۇلى توقاەۆ جولداۋىندا ەسٸرتكٸ ساۋداسى مەن ناشاقورلىققا قارسى كٷرەستٸڭ ماڭىزىنا توقتالىپ, ناقتى مٸندەتتەر جٷكتەدٸ. ٶيتكەنٸ, ەسٸرتكٸ بٸر ادامنىڭ ٶمٸرٸن عانا ەمەس, تۇتاس وتباسىنىڭ تاعدىرىن كٷيرەتەدٸ. سوندىقتان ەڭ الدىمەن, جاستاردىڭ ساناسىندا وعان دەگەن ٷزٸلدٸ-كەسٸلدٸ قارسىلىق قالىپتاستىرۋىمىز قاجەت. بۇل رەتتە جاستارعا قولايلى ورتا ۇسىنۋدىڭ ماڭىزى زور. بٷگٸندە تٷركٸستان وبلىسىندا 950 مىڭنان استام بالا مەن جاس بار. جاستاردىڭ جان-جاقتى دامۋىنا, قابٸلەتٸن شىڭداۋىنا جاعداي جاساۋ ماقساتىندا وبلىستىڭ ەلەۋمەتتٸك ينفراقۇرىلىمىن دامىتۋعا باسىمدىق بەرٸپ كەلەمٸز. وبلىس قۇرىلعاننان بەرٸ 214 دەنساۋلىق ساقتاۋ نىسانى پايدالانۋعا بەرٸلدٸ. سونىمەن قاتار ٶڭٸردٸڭ مەدەني ينفراقۇرىلىمىن دامىتۋ اياسىندا 26 مەدەنيەت ٷيٸ مەن كلۋبتىڭ قۇرىلىسى جٷرگٸزٸلدٸ. بٷگٸندە وبلىستاعى 801 ەلدٸ مەكەننٸڭ 249-ى مەدەنيەت نىساندارىمەن قامتىلعان. ٶڭٸردە 3595 سپورت نىسانى جۇمىس ٸستەيدٸ. بيىل 58 سپورت نىسانىن پايدالانۋعا بەرۋ جوسپارلانعان. بٷگٸنگٸ تاڭدا ونىڭ 31-ٸ ەل يگٸلٸگٸنە تاپسىرىلدى. مۇنىڭ بارلىعى جاستاردىڭ دەنٸ ساۋ, بٸلٸمدٸ, مەدەنيەتتٸ ەرٸ بەلسەندٸ بولىپ قالىپتاسۋىنا جاسالىپ جاتقان جاعداي. جاستارىمىز امان, بولاشاعىمىز جارقىن بولسىن! – دەدٸ نۇرالحان كٶشەروۆ.
ال تٷركٸستان وبلىسى پوليتسييا دەپارتامەنتٸنٸڭ باستىعى ارىستانعاني زاپپاروۆ ٶز سٶزٸندە مەملەكەت باسشىسى ايقىنداعان «زاڭ مەن تەرتٸپ» قاعيداتىنىڭ ماڭىزدىلىعىنا توقتالىپ, ەسٸرتكٸ قىلمىسىنا قارسى كٷرەستە پوليتسييانىڭ جٷيەلٸ جۇمىسى مەن قوعامنىڭ بٸرلەسكەن ەرەكەتٸ شەشۋشٸ رٶل اتقاراتىنىن اتاپ ٶتتٸ. سونداي-اق ەسٸرتكٸ ساۋداسىمەن اينالىساتىندارعا زاڭ اياسىندا قاتاڭ شارا قولدانىلاتىنىن, ال جاستارعا دۇرىس باعىت-باعدار بەرٸپ, قاۋٸپسٸز ورتا قالىپتاستىرۋ ورتاق مٸندەت ەكەنٸن جەتكٸزدٸ. ول ۇستازدار مەن اتا-انالاردى جاسٶسپٸرٸمدەردٸڭ تەربيەسٸنە بەيجاي قاراماۋعا شاقىرىپ, جاستاردى وڭاي تابىسقا قىزىقپاي, بٸلٸم مەن ادال ەڭبەككە ۇمتىلۋعا ٷندەدٸ.
فورۋمنىڭ سپيكەرلەر الاڭىندا قاتىسۋشىلار جاستاردىڭ قۇقىقتىق مەدەنيەتٸن قالىپتاستىرۋ, سانالى تاڭداۋ جاساۋ, ازاماتتىق بەلسەندٸلٸگٸن ارتتىرۋ, بوس ۋاقىتىن تيٸمدٸ ۇيىمداستىرۋ جەنە ەسٸرتكٸگە قارسى كٶزقاراستى نىعايتۋ مەسەلەلەرٸن تالقىلادى. سپيكەرلەر قاتارىندا گٷلٸسحان ناحباەۆا, ولجاس سٷلەيمەن, اباي جٷسٸپوۆ جەنە ەسەن ەلەۋكەن بولدى.
جيىن بارىسىندا قازاقستان رەسپۋبليكاسى ۇلتتىق ۇلانىنىڭ ەرلەر حورى پاتريوتتىق ەندەر ورىندادى. فورۋمنىڭ قورىتىندى بٶلٸمٸندە ەنشٸ, «دارىن» مەملەكەتتٸك جاستار سىيلىعىنىڭ لاۋرەاتى يبراگيم ەسكەندٸر مەن «التىن دومبىرا» جاس دومبىراشىلار انسامبلٸ ٶنەر كٶرسەتتٸ.
ايتا كەتەيٸك, ونكٷندٸك اياسىندا تٷركٸستان وبلىسىنىڭ اۋدان-قالالارىندا پوليتسييا قىزمەتكەرلەرٸنٸڭ قاتىسۋىمەن جاستارمەن كەزدەسۋلەر, پروفيلاكتيكالىق اكتسييالار مەن تٷسٸندٸرۋ شارالارى ۇيىمداستىرىلدى.
مەملەكەت باسشىسى قاسىم-جومارت توقاەۆتىڭ ەسٸرتكٸمەن كٷرەستٸ كٷشەيتۋ جٶنٸندەگٸ تاپسىرمالارى مەن ٸشكٸ ٸستەر مينيسترٸ ەرجان سەدەنوۆتٸڭ تالاپتارىن باسشىلىققا العان تٷركٸستان وبلىسىنىڭ پوليتسەيلەرٸ 2026 جىلدىڭ 10 ايىندا 332 قۇقىق بۇزۋشىلىقتى انىقتاپ, زاڭسىز اينالىمنان 1 تونناعا جۋىق ەسٸرتكٸ تەركٸلەدٸ. سونىمەن قاتار 1360 ينتەرنەت-رەسۋرس بۇعاتتالىپ, 2 320 بانك كارتاسىنىڭ اينالىمىنا شەكتەۋ قويىلدى, ەسٸرتكٸنٸ جارنامالايتىن 515 گراففيتي جازباسى جويىلدى. الدىن الۋ باعىتىندا 1300-گە جۋىق پروفيلاكتيكالىق ٸس-شارا ٶتكٸزٸلٸپ, وعان 144 مىڭنان استام ادام قامتىلعان.
