Búgin elordada donorlar men metsenattardyń qatysýymen «Qaiyrymdy ister» marafony bastaldy, dep habarlaidy "Ult aqparat".
Osy oraida búgin Aqparat jáne qoǵamdyq damý ministri Aida Balaevanyń, donorlar, metsenattar men volonterlerdiń, uiymdardyń qatysýymen atalǵan jobaǵa qatysty is-shara uiymdastyryldy.
Aita keteiik, «Qaiyrymdy ister» marafony bastamasyn Memleket basshysy Qasym-Jomart Toqaev kótergen bolatyn.
Byltyr jeltoqsan aiynda Volonter jylynyń jabylý rásiminde Prezident Qazaqstan Táýelsizdiginiń 30 jyldyǵy aiasynda jalpyulttyq deńgeide «Qaiyrymdy ister» marafony uiymdastyrylatynyn aitty.
«Endi sanaýly kúnnen soń biz Táýelsizdiktiń 30 jyldyǵyna qadam basamyz. Bul – el damýyndaǵy asa mańyzdy beles, tarihi meje. Sondai-aq, jetistigimizdi saralap, bolashaǵymyzdy baǵamdaityn kezeń. Keler jylǵy mereitoilyq is-sharalardyń mazmunyna erekshe mán beremiz. Onyń árqaisysy tereń maǵynaly jáne qoǵam úshin paidaly bolýǵa tiis. Sonymen qatar, óskeleń urpaqqa tálim-tárbie berýi shart. Osyǵan orai jalpyulttyq deńgeide «Qaiyrymdy ister» marafonyn uiymdastyrýdy usynamyn», - dedi Memleket basshysy.
QR Prezidentiniń paiymynsha, bul – bereke-birligimizdi arttyratyn mańyzdy bastama.
