بٷگٸن ەلوردادا دونورلار مەن مەتسەناتتاردىڭ قاتىسۋىمەن «قايىرىمدى ٸستەر» مارافونى باستالدى, دەپ حابارلايدى "ۇلت اقپارات".
وسى ورايدا بٷگٸن اقپارات جەنە قوعامدىق دامۋ مينيسترٸ ايدا بالاەۆانىڭ, دونورلار, مەتسەناتتار مەن ۆولونتەرلەردٸڭ, ۇيىمداردىڭ قاتىسۋىمەن اتالعان جوباعا قاتىستى ٸس-شارا ۇيىمداستىرىلدى.
ايتا كەتەيٸك, «قايىرىمدى ٸستەر» مارافونى باستاماسىن مەملەكەت باسشىسى قاسىم-جومارت توقاەۆ كٶتەرگەن بولاتىن.
بىلتىر جەلتوقسان ايىندا ۆولونتەر جىلىنىڭ جابىلۋ رەسٸمٸندە پرەزيدەنت قازاقستان تەۋەلسٸزدٸگٸنٸڭ 30 جىلدىعى اياسىندا جالپىۇلتتىق دەڭگەيدە «قايىرىمدى ٸستەر» مارافونى ۇيىمداستىرىلاتىنىن ايتتى.
«ەندٸ ساناۋلى كٷننەن سوڭ بٸز تەۋەلسٸزدٸكتٸڭ 30 جىلدىعىنا قادام باسامىز. بۇل – ەل دامۋىنداعى اسا ماڭىزدى بەلەس, تاريحي مەجە. سونداي-اق, جەتٸستٸگٸمٸزدٸ سارالاپ, بولاشاعىمىزدى باعامدايتىن كەزەڭ. كەلەر جىلعى مەرەيتويلىق ٸس-شارالاردىڭ مازمۇنىنا ەرەكشە مەن بەرەمٸز. ونىڭ ەرقايسىسى تەرەڭ ماعىنالى جەنە قوعام ٷشٸن پايدالى بولۋعا تيٸس. سونىمەن قاتار, ٶسكەلەڭ ۇرپاققا تەلٸم-تەربيە بەرۋٸ شارت. وسىعان وراي جالپىۇلتتىق دەڭگەيدە «قايىرىمدى ٸستەر» مارافونىن ۇيىمداستىرۋدى ۇسىنامىن», - دەدٸ مەملەكەت باسشىسى.
قر پرەزيدەنتٸنٸڭ پايىمىنشا, بۇل – بەرەكە-بٸرلٸگٸمٸزدٸ ارتتىراتىن ماڭىزدى باستاما.
