Foto: Halyq Uni
Qazaqstan Úkimeti «Qaitarylǵan aktivterdi basqarý kompaniiasy» JShS-yn qurdy. Tiisti qujat QR normativtik quqyqtyq aktileriniń elektrondy túrdegi etalondyq baqylaý banki saitynda jariialandy.
«Jarǵylyq kapitalyna memleket júz paiyz qatysatyn «Qaitarylǵan aktivterdi basqarý kompaniiasy» jaýapkershiligi shekteýli seriktestigi qurylsyn.
«Zańsyz iemdenilgen aktivterdi memleketke qaitarý týraly» QR Zańynda jáne basqa da zańdarda belgilengen tártippen qaitarylǵan aktivterdi basqarý, saqtalýyn qamtamasyz etý, ótkizý seriktestik qyzmetiniń negizgi nysanalary bolyp aiqyndalsyn.
Seriktestiktiń jarǵylyq kapitalyna qatysýdyń memlekettik úlesine ielik etý jáne ony paidalaný quqyqtary Qarjy ministrliginiń Memlekettik múlik jáne jekeshelendirý komitetine berilsin», - delingen Premer-Ministr qol qoiǵan qaýlyda.
Basqarýshy kompaniianyń mindetteri – memleketke qaitarylǵan aktivterdi onyń atynan menshigine qabyldaý, memleket kirisine ainaldyrylǵan aktivterdiń saqtalýyn jáne ustalýyn qamtamasyz etý, aktivterge bilik etý, aktivterdi ótkizýden túsken qarajatty arnaýly memlekettik qorǵa aýdarý.
Qaýly qol qoiǵan kúnnen bastap kúshine endi.
Aita keteiik, biyl Qazaqstanda "Zańsyz iemdengen aktivterdi memleketke qaitarý týraly" zań qabyldandy. Oǵan sáikes, zańsyz baiydy degen kúdikke ilingen jeke jáne zańdy tulǵalardyń reestri jasalady. Tizim jabyq bolady. Zań aiasynda aktivterdi basqarý kompaniiasy qurylady. Ol qaitarylǵan aktivterdi satýdan túsken qarajatty arnaiy memlekettik qorǵa aýdarady.
