Qazaqstanda kavasakige uqsas aýrýdan 2-3 jasar eki bala shetinedi. 30 qyrkúiekte "Pediatriia jáne balalar hirýrgiiasy ǵylymi ortalyǵynyń" basqarma tóraiymy Riza Boranbaeva osylai dep habarlady. Dárigerdiń aitýynsha, ata-analary balalardy aýrýhanaǵa kesh jetkizgen. Buǵan qosa, eki sábide qosymsha syrqat bolǵan, biri "qyzyl jegimen" aýyrǵan. Dárigerler olardy aman alyp qala almaǵan.
Dárigerlerdiń aitýynsha, aýrý koronavirýstan jazylyp shyqqan balalar arasynda kezdesip otyr. Qaitys bolǵan eki sábi birneshe apta buryn Covid-ten jyzylyp shyqqan.
Riza Boranbaevanyń aitýynsha, Qazaqstanda "kavasakige uqsas mýltijúieli qabyný sindromyna" 41 bala shaldyqqan. Olardyń báriniń aǵzasynan koronavirýsqa qarsy antidene anyqtalǵan. Naýqastardyń 37-i jazylǵan.
- Koronavirýs juqtyryp, jeńil túrimen aýyrǵan balalar kavasakige uqsas mýltijúieli qabyný sindromyna shaldyǵýy múmkin. Bala aýyryp-jazylǵan soń, eki-alty apta aralyǵynda denesi bórtip, qyzýy kóterilse birden dárigerge qaratyńyz. Der kezinde diagnoz qoiylyp, dereý emdese jazylyp ketýi múmkin - deidi dáriger.
Elde alǵash ret kavasakige uqsas mýltijúieli qabyný sindromy tamyzdyń 4 tirkelgen. Eki ai ishinde 41-ke jetken.
