قازاقستاندا كاۆاساكيگە ۇقساس اۋرۋدان 2-3 جاسار ەكٸ بالا شەتٸنەدٸ. 30 قىركٷيەكتە "پەدياترييا جەنە بالالار حيرۋرگيياسى عىلىمي ورتالىعىنىڭ" باسقارما تٶرايىمى ريزا بورانباەۆا وسىلاي دەپ حابارلادى. دەرٸگەردٸڭ ايتۋىنشا, اتا-انالارى بالالاردى اۋرۋحاناعا كەش جەتكٸزگەن. بۇعان قوسا, ەكٸ سەبيدە قوسىمشا سىرقات بولعان, بٸرٸ "قىزىل جەگٸمەن" اۋىرعان. دەرٸگەرلەر ولاردى امان الىپ قالا الماعان.
دەرٸگەرلەردٸڭ ايتۋىنشا, اۋرۋ كوروناۆيرۋستان جازىلىپ شىققان بالالار اراسىندا كەزدەسٸپ وتىر. قايتىس بولعان ەكٸ سەبي بٸرنەشە اپتا بۇرىن Covid-تەن جىزىلىپ شىققان.
ريزا بورانباەۆانىڭ ايتۋىنشا, قازاقستاندا "كاۆاساكيگە ۇقساس مۋلتيجٷيەلٸ قابىنۋ سيندرومىنا" 41 بالا شالدىققان. ولاردىڭ بەرٸنٸڭ اعزاسىنان كوروناۆيرۋسقا قارسى انتيدەنە انىقتالعان. ناۋقاستاردىڭ 37-ٸ جازىلعان.
- كوروناۆيرۋس جۇقتىرىپ, جەڭٸل تٷرٸمەن اۋىرعان بالالار كاۆاساكيگە ۇقساس مۋلتيجٷيەلٸ قابىنۋ سيندرومىنا شالدىعۋى مٷمكٸن. بالا اۋىرىپ-جازىلعان سوڭ, ەكٸ-التى اپتا ارالىعىندا دەنەسٸ بٶرتٸپ, قىزۋى كٶتەرٸلسە بٸردەن دەرٸگەرگە قاراتىڭىز. دەر كەزٸندە دياگنوز قويىلىپ, دەرەۋ ەمدەسە جازىلىپ كەتۋٸ مٷمكٸن - دەيدٸ دەرٸگەر.
ەلدە العاش رەت كاۆاساكيگە ۇقساس مۋلتيجٷيەلٸ قابىنۋ سيندرومى تامىزدىڭ 4 تٸركەلگەن. ەكٸ اي ٸشٸندە 41-كە جەتكەن.
