Elimizde kásipkerlerge arnalǵan jańa tsifrlyq júie paida bolady. Bul týraly «Atameken» ulttyq kásipkerler palatasynyń basqarma tóraǵasy Abylai Myrzahmetov málim etti, dep habarlaidy QazAqparat.
«Bárimizge aian, búginde tsifrlandyrý mańyzdy ári kerek sala. Olsyz jumys ónbeidi. Osyǵan orai biz biyl 1-toqsannyń sońyna deiin kásipkerlerge arnalǵan tsifrlyq júieni iske qosamyz. Bir mezette 1,5 mln kásipker júiege qosyla alady. Demek endigi ýaqytta ár kásipker bizben tikelei bailanysta bola alady. Sol arqyly biz kásipkerlerdiń máselesimen qatar usynys, ideiasyn bilip otyramyz», - dedi Abylai Myrzahmetov Facebook paraqshasyndaǵy tikelei efir barysynda.
«Atameken» UKP basshysynyń málimdeýinshe, kásipkerler jańa tsifrlyq júiege jeke kabinet arqyly qosyla alady.
«Taǵy bir jaitpen bólise keteiin, biz kedeilikpen kúres, halyqtyń tabysyn kóterý jáne otandyq kadrlardy daiarlaý boiynsha baǵdarlama ázirledik. Ony taiaýda tanystyramyz jáne jurtshylyqtyń talqysyna salynady», - deidi ol.
Sondai-aq, tikelei efir kezinde biyl naýryzda kásipkerlerdiń respýblikalyq sezin ótkizý jospary týraly aityldy.
