Qazaqstanda bir aida azyq-túlik baǵasy 1,7% kóterildi. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
2021 jylǵy maýsym aiynda 2021 jylǵy mamyrmen salystyrǵanda azyq-túlik taýarlarynyń baǵasy – 1,7%, azyq-túlik emes taýarlary – 0,8%, aqyly qyzmetterdiń quny 0,7% qymbattady.
Atap aitqanda, baǵanyń ósýi sábizge – 1,9 ese, qyzylshaǵa – 1,5 ese, kartopqa – 40,7%, kúnbaǵys maiyna – 5,6%, qoi etine – 2,7%, jarmalarǵa – 1,8%, qumshekerge – 1,5%, qus etine, jylqy etine – 1,4%-dan, et ónimderine – 1,1%, makaron ónimderine, nanǵa – 0,8%-dan, jańa jinalǵan jemisterge, shaiǵa 0,7%-dan belgilendi.
Mineraldy jáne as sý – 1,3%, salqyndatylǵan sýsyndar, alkogoldy sýsyndar 0,9%-dan qymbattady.
Kerisinshe, qiiar – 33,2%, qyzanaq – 14,2%, jumyrtqa – 13,9%, sarymsaq – 11%, banan – 6%, apelsin 2,9% arzandady.
Baǵa ósimi turmystyq aspaptarǵa – 2,2%, jihaz jáne úige qajetti zattarǵa – 1,9%, qurylys materialdaryna – 1,5%, avtomobilderge – 1,3%, kiim jáne aiaq kiimge – 0,7%, ydys-aiaqqa, jýǵysh jáne tazalaǵysh quraldarǵa, jeke qoldanylatyn taýarlarǵa 0,6%-dan qurady.
Budan bólek, dizel otyny – 1,8%, ballondaǵy súiytylǵan gaz – 1,4%, benzin 0,3% qymbattady.
Baǵa deńgeii sanatorii qyzmetterine – 3,7%, keshendi demalý uiymdaryna – 3%, shashtarazdar men sulýlyq salondar qyzmetterine – 1%, qonaqúiler qyzmetterine – 0,9%, monsha qyzmetterine 0,8% joǵarylady.
Sondai-aq aviabiletter quny – 22,7%, qalaaralyq avtobýspen júrý aqysy 2,4% qymbattady.
Turǵyn úi-kommýnaldyq qyzmetter salasynda tarifter taratý jelileri arqyly tasymaldanatyn gazǵa – 1,7%, elektr energiiasyna – 1%, sýdy burýǵa, sýyq sýǵa 0,5%-dan joǵarylady, al ystyq sýǵa 2,7% tómendedi.
