قازاقستاندا بٸر ايدا ازىق-تٷلٸك باعاسى 1,7% كٶتەرٸلدٸ. بۇل تۋرالى قر ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنان مەلٸم ەتتٸ, دەپ حابارلايدى "ۇلت اقپارات".
2021 جىلعى ماۋسىم ايىندا 2021 جىلعى مامىرمەن سالىستىرعاندا ازىق-تٷلٸك تاۋارلارىنىڭ باعاسى – 1,7%, ازىق-تٷلٸك ەمەس تاۋارلارى – 0,8%, اقىلى قىزمەتتەردٸڭ قۇنى 0,7% قىمباتتادى.
اتاپ ايتقاندا, باعانىڭ ٶسۋٸ سەبٸزگە – 1,9 ەسە, قىزىلشاعا – 1,5 ەسە, كارتوپقا – 40,7%, كٷنباعىس مايىنا – 5,6%, قوي ەتٸنە – 2,7%, جارمالارعا – 1,8%, قۇمشەكەرگە – 1,5%, قۇس ەتٸنە, جىلقى ەتٸنە – 1,4%-دان, ەت ٶنٸمدەرٸنە – 1,1%, ماكارون ٶنٸمدەرٸنە, نانعا – 0,8%-دان, جاڭا جينالعان جەمٸستەرگە, شايعا 0,7%-دان بەلگٸلەندٸ.
مينەرالدى جەنە اس سۋ – 1,3%, سالقىنداتىلعان سۋسىندار, الكوگولدى سۋسىندار 0,9%-دان قىمباتتادى.
كەرٸسٸنشە, قييار – 33,2%, قىزاناق – 14,2%, جۇمىرتقا – 13,9%, سارىمساق – 11%, بانان – 6%, اپەلسين 2,9% ارزاندادى.
باعا ٶسٸمٸ تۇرمىستىق اسپاپتارعا – 2,2%, جيھاز جەنە ٷيگە قاجەتتٸ زاتتارعا – 1,9%, قۇرىلىس ماتەريالدارىنا – 1,5%, اۆتوموبيلدەرگە – 1,3%, كيٸم جەنە اياق كيٸمگە – 0,7%, ىدىس-اياققا, جۋعىش جەنە تازالاعىش قۇرالدارعا, جەكە قولدانىلاتىن تاۋارلارعا 0,6%-دان قۇرادى.
بۇدان بٶلەك, ديزەل وتىنى – 1,8%, باللونداعى سٷيىتىلعان گاز – 1,4%, بەنزين 0,3% قىمباتتادى.
باعا دەڭگەيٸ ساناتوريي قىزمەتتەرٸنە – 3,7%, كەشەندٸ دەمالۋ ۇيىمدارىنا – 3%, شاشتارازدار مەن سۇلۋلىق سالوندار قىزمەتتەرٸنە – 1%, قوناقٷيلەر قىزمەتتەرٸنە – 0,9%, مونشا قىزمەتتەرٸنە 0,8% جوعارىلادى.
سونداي-اق اۆيابيلەتتەر قۇنى – 22,7%, قالاارالىق اۆتوبۋسپەن جٷرۋ اقىسى 2,4% قىمباتتادى.
تۇرعىن ٷي-كوممۋنالدىق قىزمەتتەر سالاسىندا تاريفتەر تاراتۋ جەلٸلەرٸ ارقىلى تاسىمالداناتىن گازعا – 1,7%, ەلەكتر ەنەرگيياسىنا – 1%, سۋدى بۇرۋعا, سۋىق سۋعا 0,5%-دان جوعارىلادى, ال ىستىق سۋعا 2,7% تٶمەندەدٸ.
