Qazaqstanda karantin merzimi uzartylýy múmkin be? Qazaqstannyń barsha azamatyn tolǵandyrǵan bul saýalǵa QR Densaýlyq saqtaý ministri Aleksei Tsoi jaýap berdi, dep habarlaidy "Ult aqparat".
«Karantindi uzartýǵa qatysty aitar bolsam, bastapqyda usynys engizgende azamattardyń tilekteri eskerildi. Rejimniń biznes qoǵamdastyqtarǵa da barynsha beiimdi bolýy kózdeldi. Degenmen osynaý virýsqa shaldyǵýdyń kúrt órship ketýin eńserýge septigin tigizetin shekteý sharalary da qarastyryldy», - dedi ministr búgin Ortalyq kommýnikatsiialar qyzmetindegi brifingide tilshilerdiń saýalyna orai.
Sonymen qatar ol kez kelgen baǵalaý inkýbatsiialyq kezeńmen, iaǵni 14 kúnmen bailanysty bolýy kerektigin atap ótti.
«Qazir biz qandai da bir aralyq nátijelerdi qarap otyrmyz. Degenmen shynaiy tiimdiligin ekinshi aptaǵa qarai ne bolmasa biz baǵalaý júrgizgennen soń birden kóretin bolamyz. Karantin aiaqtalǵannan keiin onyń uzartylatyny nemese sharalardyń qatańdatylatyny túsinikti bolady», - dedi Aleksei Tsoi.
