قازاقستاندا كارانتين مەرزٸمٸ ۇزارتىلۋى مٷمكٸن بە? قازاقستاننىڭ بارشا ازاماتىن تولعاندىرعان بۇل ساۋالعا قر دەنساۋلىق ساقتاۋ مينيسترٸ الەكسەي تسوي جاۋاپ بەردٸ, دەپ حابارلايدى "ۇلت اقپارات".
«كارانتيندٸ ۇزارتۋعا قاتىستى ايتار بولسام, باستاپقىدا ۇسىنىس ەنگٸزگەندە ازاماتتاردىڭ تٸلەكتەرٸ ەسكەرٸلدٸ. رەجيمنٸڭ بيزنەس قوعامداستىقتارعا دا بارىنشا بەيٸمدٸ بولۋى كٶزدەلدٸ. دەگەنمەن وسىناۋ ۆيرۋسقا شالدىعۋدىڭ كٷرت ٶرشٸپ كەتۋٸن ەڭسەرۋگە سەپتٸگٸن تيگٸزەتٸن شەكتەۋ شارالارى دا قاراستىرىلدى», - دەدٸ مينيستر بٷگٸن ورتالىق كوممۋنيكاتسييالار قىزمەتٸندەگٸ بريفينگٸدە تٸلشٸلەردٸڭ ساۋالىنا وراي.
سونىمەن قاتار ول كەز كەلگەن باعالاۋ ينكۋباتسييالىق كەزەڭمەن, ياعني 14 كٷنمەن بايلانىستى بولۋى كەرەكتٸگٸن اتاپ ٶتتٸ.
«قازٸر بٸز قانداي دا بٸر ارالىق نەتيجەلەردٸ قاراپ وتىرمىز. دەگەنمەن شىنايى تيٸمدٸلٸگٸن ەكٸنشٸ اپتاعا قاراي نە بولماسا بٸز باعالاۋ جٷرگٸزگەننەن سوڭ بٸردەن كٶرەتٸن بولامىز. كارانتين اياقتالعاننان كەيٸن ونىڭ ۇزارتىلاتىنى نەمەسە شارالاردىڭ قاتاڭداتىلاتىنى تٷسٸنٸكتٸ بولادى», - دەدٸ الەكسەي تسوي.
