Qazaqstanda qant pen shiki quraq qantty eksporttaýǵa ýaqytsha tyiym salynady. Bul týraly aýyl sharýashylyǵy ministri Erbol Qarashókeevtiń buiryǵynda aitylady, - dep habarlaidy Tengrinews.kz.
"Alty ai merzimge Qazaqstan Respýblikasy aýmaǵynan aq qantty (Eýraziialyq ekonomikalyq odaq (EAEO) syrtqy ekonomikalyq qyzmettiń biryńǵai taýar nomenklatýrasy kody 1701 99 100) jáne shiki quraq qantty (EAEO syrtqy ekonomikalyq qyzmettiń biryńǵai taýar nomenklatýrasy kody 1701 13, 1701 14 ) áketýge tyiym salý engizilsin", - delingen qujatta.
Aýyl sharýashylyǵy ministrligine osy sharalardy qoldaný týraly zańnamada belgilengen tártippen Eýraziialyq ekonomikalyq komissiiany habardar etý tapsyrylǵan.
