Foto:elements.envato.com
Ishki ister ministrliginiń málimetinshe, Qazaqstanda 300 myńnan asa sheteldik kólikti tirkeýge bolady, - dep habarlaidy Tengrinews.kz.
Ishki ister ministri sheteldik kólikterdi zańdastyrýǵa qatysty pikir bildirdi. Ol Prezident Joldaýynda 1 qyrkúiekke deiin sheteldik kólikterdiń Qazaqstanǵa kirýiniń jeńildetilgen tártibine ruqsat bergenin eske saldy.
Vedomstvo azamattar bastapqy tirkeý úshin 200-250 myń teńge kóleminde alym tóleitinin aitty.
Úkimet otyrysynyń aiasynda jýrnalister ishki ister ministrinen jeńildetilgen tártipte qansha kólik resimdelgenin naqtylady.
"Muny júzege asyrý úshin biz zańnamany ázirlep, eki zańǵa ózgerister engizýimiz kerek. Bul salyq jáne ekologiialyq kodekster. Áriptesterim zań jobalaryn daiyndap jatyr. Olar daiyn bolǵan kezde biz quqyqtyq aktini qabyldaimyz. 1 qyrkúiekten bastap Qazaqstanǵa 300 myńnan asa sheteldik kólik keldi. Zań qabyldanǵannan keiin biz jumysqa kirisemiz", - dedi ministr.
Sondai-aq, IIM basshysy tiisti zań jobasy qashan qabyldanatynyn aitty.
"Biz zań jobasyn ázirlemeimiz, muny meniń áriptesterim jasaidy. Salyq jáne ekologiialyq kodeksterge tiisti ózgeristerdi Quzyretti ministrlikter daiyndaidy. Prezident 2023 jyldyń 1 qańtaryna deiin qabyldaýdy tapsyrǵan bolatyn. Zań qabyldanǵannan keiin biz Kólik quraldaryn zańdastyrý boiynsha tiisti erejeler daiyndaimyz", - dep túsindirdi ministr.
