Foto: Kolesa.kz
Ishki ister ministrligi Ákimshilik politsiia komitetiniń tóraǵasy Qaisar Sultanbaev kólikterdi zańdastyrý jumystary qalai júrip jatqanyn aitty, - dep habarlaidy Tengrinews.kz.
Sultanbaev óz sózinde 2023 jyldyń 23 qańtary men 26 naýryzy aralyǵynda 69 myńnan asa kólik zańdastyrylǵanyn aitty.
"Onyń ishinde avtokólikterdiń 67 paiyzy (46 592) Resei Federatsiiasynan, 19 paiyzy (13 424) Armeniiadan, 10 paiyzǵa jýyǵy (6 788) Qyrǵyzstannan, 2 paiyzǵa jýyǵy (1 296) Grýziiadan", - dedi Sultanbaev Ishki ister ministrliginde ótken brifingte.
Ol qazirgi ýaqytta Ishki ister ministrligi qosalqy bólshek retinde ákelingen kólikterdi zańdastyrýdyń sharttaryn aiqyndaityn Úkimet qaýlysynyń jobasyn ázirlegenin atap ótti.
"Joba qoǵamdyq talqylaýdan ótti, qazir onyń qorytyndysyn shyǵaryp jatyrmyz, sodan keiin jobany túpkilikti bekitýge memlekettik organdarǵa joldap, keiin úkimetke jiberemiz", - dep qosty komitet tóraǵasy.
