Qazaqstanda koronavirýsqa qarsy 4 vaktsina qoljetimdi. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Koronavirýsqa qarsy halyqty vaktsinatsiialaý jalǵasýda. Búginde shamamen 3,2 mln doza qoldanyldy. Onyń ishinde birinshi komponentpen 2 121 519 adam ekpe aldy. Bul ekpe alýǵa tiisti halyqtyń 21 paiyzyn quraidy. Ekinshi komponentpen 1 074 954 adam qabyldy», - dedi ministr.
Onyń atap ótýinshe, qazirgi ýaqytta ekpe pýnktterinde vaktsina dozasy jetkilikti. Atap aitqanda 1-komponentten 330 myń, 2-komponentten 811 myń doza bar.
«Buǵan qosa, maýsym aiynda COVID-19-ǵa qarsy vaktsinanyń shamamen 2 mln eki dozasy jetkiziledi dep kútilip otyr. Búgin Qytai Halyq Respýblikasynan CoronaVac vaktsinasynyń 500 myń dozasyn aldyq. Osylaisha, Qazaqstan 4 vaktsina qoljetimdi. Vaktsinatsiialaý jalǵasýda», - dedi Aleksei Tsoi.
