قازاقستاندا كوروناۆيرۋسقا قارسى 4 ۆاكتسينا قولجەتٸمدٸ. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«كوروناۆيرۋسقا قارسى حالىقتى ۆاكتسيناتسييالاۋ جالعاسۋدا. بٷگٸندە شامامەن 3,2 ملن دوزا قولدانىلدى. ونىڭ ٸشٸندە بٸرٸنشٸ كومپونەنتپەن 2 121 519 ادام ەكپە الدى. بۇل ەكپە الۋعا تيٸستٸ حالىقتىڭ 21 پايىزىن قۇرايدى. ەكٸنشٸ كومپونەنتپەن 1 074 954 ادام قابىلدى», - دەدٸ مينيستر.
ونىڭ اتاپ ٶتۋٸنشە, قازٸرگٸ ۋاقىتتا ەكپە پۋنكتتەرٸندە ۆاكتسينا دوزاسى جەتكٸلٸكتٸ. اتاپ ايتقاندا 1-كومپونەنتتەن 330 مىڭ, 2-كومپونەنتتەن 811 مىڭ دوزا بار.
«بۇعان قوسا, ماۋسىم ايىندا COVID-19-عا قارسى ۆاكتسينانىڭ شامامەن 2 ملن ەكٸ دوزاسى جەتكٸزٸلەدٸ دەپ كٷتٸلٸپ وتىر. بٷگٸن قىتاي حالىق رەسپۋبليكاسىنان CoronaVac ۆاكتسيناسىنىڭ 500 مىڭ دوزاسىن الدىق. وسىلايشا, قازاقستان 4 ۆاكتسينا قولجەتٸمدٸ. ۆاكتسيناتسييالاۋ جالعاسۋدا», - دەدٸ الەكسەي تسوي.
