Sýret: Freepik.com
Ulttyq statistika biýrosy bir apta ishinde áleýmettik mańyzy bar azyq-túlik baǵasynyń qalai ózgergeni týraly derek usyndy, - dep habarlaidy Tengrinews.kz saity.
Biýro málimetinshe, ótken aptada áleýmettik mańyzy bar azyq-túlik taýarlarynyń baǵa indeksi 0,1 paiyzǵa tómendep, jyldyq kórsetkish 6,5 paiyzǵa ósken.
5 qyrkúiektegi jaǵdai boiynsha Qazaqstanda piiaz (-4,7 paiyz), kartop (-2,7 paiyz), qyryqqabat, qaraqumyq jarmasy, kúnbaǵys maiy, makaron ónimderi, un jáne qant arzandaǵan.
Sonymen qatar bir apta ishinde kúrish (+1,1 paiyz), mai (-0,6 paiyz), jumyrtqa (-0,4 paiyz), sábiz, súzbe, airan, tuz, siyr jáne taýyq eti qymbattaǵan.
Áleýmettik mańyzy bar azyq-túlik taýarlarynyń tizbesine 19 ataý kiredi. Baǵa ózgerisi týraly kórsetkishter apta saiyn jańarady. Baǵanyń ózgerýi týraly aqparat barlyq oblys ortalyǵynan, respýblikalyq mańyzy bar qaladan jáne Astanadan jinalady. Ol úshin eldi mekenniń ártúrli bólikterindegi taýarlardyń keń assortimenti bar ártúrli tiptegi saýda obektileri (gipermarketter, sýpermarketter, dúkender, kommýnaldyq bazarlar, áleýmettik dúkender men pavilondar) tańdalady.
