Qazaqstanda iskerlik belsendilik indeksi tómendedi. Bul týraly Ulttyq baktiń aqsha-kredit saiasaty departamentiniń direktory Jandos Shaimardanov aitty, dep habarlaidy "Ult aqparat".
Júrgizilgen baǵalaý nátijesi boiynsha Qazaqstanda iskerlik belsendilik ekinshi ai qatarynan tómendep keledi. 2021 jyldyń qańtar aiynda indeks 48,4 (2020 jylǵy jeltoqsanda – 49,0) boldy.
«Indekstiń tómendeýi, kóbine, ónerkásiptegi kórsetkishtiń azaiýyna bailanysty boldy,bunda kórstekish tómendeý aimaǵyna ótip, 49,4-ti qurady (2020 jylǵy jeltoqsanda – 50,3 bolǵan).Qyzmet kórsetý sektorynda da indekstiń 47,4-ke (2020 jylǵy jeltoqsanda – 48,0) deiin tómendeýi baiqalady.Al qurylystaǵy iskerlik belsendilik ósý aimaǵyna qaita oralyp, 51,1 (2020 jylǵy jeltoqsanda – 49,5) qurady.
Qańtarda óńirler boiynsha kórsetkishter Qostanai, Soltústik Qazaqstan oblystarynda jaqsardy. Indekstiń edáýir nasharlaýy Jambyl,Túrkistan oblystarynda baiqalady.
Naqty sektor kásiporyndary qańtarda biznes júrgizýdiń qazirgi jaǵdaiyn jalpy teris baǵalady: oń jáne teris baǵalaý arasyndaǵy jaýaptar balansy (–)2,6 sheginde qaldy.Qazirgi jaǵdaidyń nasharlaýy, kóbine, suranys pen salyq júktemesiniń áserinen boldy.
Kásiporyndardyń kelesi 6 aiǵa kútýleri anaǵurlym optimistik kózqarasta: bolashaq jaǵdai baǵalaýy 15,1 qurady.Nátijesinde qańtarda biznes-ahýal indeksi 6,0 boldy.
Qańtarda saýalnamaǵa 456 kásiporyn qatysty: qurylys salasynda – 66, ónerkásip salasynda – 172, qyzmet kórsetý salasynda – 218.
