QR Investitsiialar jáne damý ministrligi ipotekalyq nesie qunyn arzandatý máselesin qarastyrýda. Bul týraly búgin Úkimet otyrysynda atalǵan vedomstvonyń basshysy Jeńis Qasymbek málim etti, dep habaralaidy QazAqparat.
«Aǵymdaǵy jyly bul baǵdarlamany odan ary júzege asyrý mehanizmderin qaita qarastyratyn bolamyz. Memleket basshysynyń tapsyrmalaryn júzege asyrý aiasynda biz sáýlet, qala qurylysy jáne qurylys salasyndaǵy memlekettik normativterdi jetildirý boiynsha jumystardy bastadyq. Sonymen qatar baspananyń qoljetimdiligin qamtamasyz etý maqsatynda 2030 jylǵa qarai bir turǵyndy 30 sharshy metrge deiin baspanamen qamtamasyz etý kórsetkishine jetkizý arqyly ipotekalyq nesieleý qunyn arzandatý boiynsha máselelerdi qarastyrýdamyz», - dendi Jeńis Qasymbek.
Onyń dereginshe, aǵymdaǵy jyly kommertsiialyq bankter qurylysshylarǵa 125 mlrd teńge sýbsidiialanǵan nesie, sonymen qatar 105 mlrd teńge ipotekalyq nesie beretin bolady.
«Bank sektorynyń jandanýy jyl saiyn 250 mlrd teńgege deiin kredit berý kólemin arttyrady, jáne «Turǵyn úi qurylys jinaq» banki salymshylarynyń úlesin ekonomikalyq belsendi halyqtyń 12 paiyzyna jetkizedi», - dedi ministr.
