قر ينۆەستيتسييالار جەنە دامۋ مينيسترلٸگٸ يپوتەكالىق نەسيە قۇنىن ارزانداتۋ مەسەلەسٸن قاراستىرۋدا. بۇل تۋرالى بٷگٸن ٷكٸمەت وتىرىسىندا اتالعان ۆەدومستۆونىڭ باسشىسى جەڭٸس قاسىمبەك مەلٸم ەتتٸ, دەپ حابارالايدى قازاقپارات.
«اعىمداعى جىلى بۇل باعدارلامانى ودان ارى جٷزەگە اسىرۋ مەحانيزمدەرٸن قايتا قاراستىراتىن بولامىز. مەملەكەت باسشىسىنىڭ تاپسىرمالارىن جٷزەگە اسىرۋ اياسىندا بٸز سەۋلەت, قالا قۇرىلىسى جەنە قۇرىلىس سالاسىنداعى مەملەكەتتٸك نورماتيۆتەردٸ جەتٸلدٸرۋ بويىنشا جۇمىستاردى باستادىق. سونىمەن قاتار باسپانانىڭ قولجەتٸمدٸلٸگٸن قامتاماسىز ەتۋ ماقساتىندا 2030 جىلعا قاراي بٸر تۇرعىندى 30 شارشى مەترگە دەيٸن باسپانامەن قامتاماسىز ەتۋ كٶرسەتكٸشٸنە جەتكٸزۋ ارقىلى يپوتەكالىق نەسيەلەۋ قۇنىن ارزانداتۋ بويىنشا مەسەلەلەردٸ قاراستىرۋدامىز», - دەندٸ جەڭٸس قاسىمبەك.
ونىڭ دەرەگٸنشە, اعىمداعى جىلى كوممەرتسييالىق بانكتەر قۇرىلىسشىلارعا 125 ملرد تەڭگە سۋبسيدييالانعان نەسيە, سونىمەن قاتار 105 ملرد تەڭگە يپوتەكالىق نەسيە بەرەتٸن بولادى.
«بانك سەكتورىنىڭ جاندانۋى جىل سايىن 250 ملرد تەڭگەگە دەيٸن كرەديت بەرۋ كٶلەمٸن ارتتىرادى, جەنە «تۇرعىن ٷي قۇرىلىس جيناق» بانكٸ سالىمشىلارىنىڭ ٷلەسٸن ەكونوميكالىق بەلسەندٸ حالىقتىڭ 12 پايىزىنا جەتكٸزەدٸ», - دەدٸ مينيستر.
