Memlekettik organdardyń aqparattyq júielerin retke keltirý boiynsha injiniring jáne tsifrlyq transformatsiia ortalyǵy qurylady. Bul týraly QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aityp berdi, dep habarlaidy QazAqparat.
«Jalpy, memlekettik organdardyń aqparattyq júiesin retke keltirý boiynsha Injiniring jáne tsifrlyq transformatsiia ortalyǵyn qurýdy josparlap otyrmyz. Búginde memlekettik organdarda kóptegen aqparattyq júieler jumys isteidi. Bul - jaqsy da emes, jaman da emes, jai ǵana fakt. 15 jylda biz kóptegen aqparattyq júielerdi qurdyq, bul bizge BUU reitinginde belgili bir jetistikterge jetýge múmkindik berdi. BUU elektrondy úkimetti damytý reitinginde biz úzdik otyzdyqqa kiremiz», - dedi ministr Ortalyq kommýnikatsiialar qyzmetinde ótken brifingte.
Biraq, ministr belgili bir tekserý jumystaryn júrgizý qajettigin atap ótti.
«Kei júieler eskirgen, qoldanystan shyqqan nemese paidalanýshylardyń qazirgi talaptaryna sáikes kelmeidi degen pikirler bar. Sondyqtan biz osy ortalyqty quryp, memlekettik organdardaǵy belgili bir aqparattyq júielerdi quratyn kompaniialarǵa yqpal etý úshin ministrlik pen «Zerde» holdinginiń rólin kúsheitemiz. Bul naqty ne beredi? Biz tsifrlandyrýǵa ener aldynda barlyq biznes protsesterdi naqty jazyp shyǵamyz. Barlyq tsifrlandyrý protsesterine sáikes keletin biryńǵai zamanaýi IT arhitektýrasy men kelisimi bolady», - dep túsindirdi Baǵdat Mýsin.
