مەملەكەتتٸك ورگانداردىڭ اقپاراتتىق جٷيەلەرٸن رەتكە كەلتٸرۋ بويىنشا ينجينيرينگ جەنە تسيفرلىق ترانسفورماتسييا ورتالىعى قۇرىلادى. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتىپ بەردٸ, دەپ حابارلايدى قازاقپارات.
«جالپى, مەملەكەتتٸك ورگانداردىڭ اقپاراتتىق جٷيەسٸن رەتكە كەلتٸرۋ بويىنشا ينجينيرينگ جەنە تسيفرلىق ترانسفورماتسييا ورتالىعىن قۇرۋدى جوسپارلاپ وتىرمىز. بٷگٸندە مەملەكەتتٸك ورگانداردا كٶپتەگەن اقپاراتتىق جٷيەلەر جۇمىس ٸستەيدٸ. بۇل - جاقسى دا ەمەس, جامان دا ەمەس, جاي عانا فاكت. 15 جىلدا بٸز كٶپتەگەن اقپاراتتىق جٷيەلەردٸ قۇردىق, بۇل بٸزگە بۇۇ رەيتينگٸندە بەلگٸلٸ بٸر جەتٸستٸكتەرگە جەتۋگە مٷمكٸندٸك بەردٸ. بۇۇ ەلەكتروندى ٷكٸمەتتٸ دامىتۋ رەيتينگٸندە بٸز ٷزدٸك وتىزدىققا كٸرەمٸز», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
بٸراق, مينيستر بەلگٸلٸ بٸر تەكسەرۋ جۇمىستارىن جٷرگٸزۋ قاجەتتٸگٸن اتاپ ٶتتٸ.
«كەي جٷيەلەر ەسكٸرگەن, قولدانىستان شىققان نەمەسە پايدالانۋشىلاردىڭ قازٸرگٸ تالاپتارىنا سەيكەس كەلمەيدٸ دەگەن پٸكٸرلەر بار. سوندىقتان بٸز وسى ورتالىقتى قۇرىپ, مەملەكەتتٸك ورگاندارداعى بەلگٸلٸ بٸر اقپاراتتىق جٷيەلەردٸ قۇراتىن كومپانييالارعا ىقپال ەتۋ ٷشٸن مينيسترلٸك پەن «زەردە» حولدينگٸنٸڭ رٶلٸن كٷشەيتەمٸز. بۇل ناقتى نە بەرەدٸ? بٸز تسيفرلاندىرۋعا ەنەر الدىندا بارلىق بيزنەس پروتسەستەردٸ ناقتى جازىپ شىعامىز. بارلىق تسيفرلاندىرۋ پروتسەستەرٸنە سەيكەس كەلەتٸن بٸرىڭعاي زاماناۋي IT ارحيتەكتۋراسى مەن كەلٸسٸمٸ بولادى», - دەپ تٷسٸندٸردٸ باعدات مۋسين.
