Elimizde investitsiialyq saiasattyń jańa tujyrymdamasy ázirlendi. Bul týraly QR Premer-Ministri Álihan Smaiylov málim etti, dep habarlaidy QazAqparat tilshisi.
«Otandyq kásipkerler keńesimen birge investitsiialyq ahýaldy jáne biznes ortany ári qarai jaqsartýǵa baǵyttalǵan sharalar iske asyrylady. Sondai-aq, investitsiialyq saiasattyń jańa tujyrymdamasy ázirlendi. Onda negizinen jeke investitsiialarǵa basymdyq beriledi. Bizge elimizdiń ekonomikasyn qalpyna keltirý men damytýdyń draiveri bolatyn jobalar qajet», - dedi Álihan Smaiylov «Atameken» ulttyq kásipkerler palatasynyń kezekten tys IH sezinde.
Sondai-aq, Úkimet basshysy qazaqstandyq biznesti ulttyq ekonomikaǵa belsendi túrde investitsiia salýǵa shaqyrdy.
«Al memleket óz kezeginde jekemenshiktiń jáne zań ústemdiginiń turaqtylyǵyna kepildik berýi tiis. Infraqurylym biznestiń bárine birdei qoljetimdi bolýy qajet», - deidi ol.
