QR Ulttyq banki orta merzimdi perspektivada infliatsiia birtindep baiaýlap, 5,0-5,5%-dyq deńgeide turaqtanatynyn málim etti, dep habarlaidy "Ult aqparat".
Azyq-túlikke jatpaityn taýarlar baǵasynyń baiaý ósýine bailanysty infliatsiianyń boljamy tómen qaraldy. Sonymen birge, kelesi jyldyń basynda aqyly qyzmetter baǵasynyń ósý múmkindigimen bailanysty infliatsiialyq táýekelderdiń paida bolý yqtimaldylyǵy bar. Alaida, boljam kezeńinde infliatsiia 4-6% dálizinde saqtalady.
«Infliatsiianyń baialaýyna Resei, EO men Qytaida infliatsiia nysanaly deńgeilerinen tómen bolýy aiasynda qolaily ishki infliatsiialyq aia, sondai-aq fiskaldy yntalandyrýdan nátije tómendeý aiasynda ishki suranys jaǵynan qysymnyń birtindep álsireýi yqpal etedi», - dep atalǵan Ulttyq banktiń toqsan saiynǵy «Infliatsiiaǵa sholý» basylymynda.
Qazirgi ýaqytta Qytaida shoshqa etiniń usynysy tómendeý saldarynan ettiń baǵasy ósýine bailanysty baiqalyp otyrǵan infliatsiianyń údeýi qysqa merzimdi bolyp tabylady. 2020 jyly álsiz iýanniń AQSh dollaryna qatysty infliatsiiany ulǵaitatyn qysymyna qaramastan, infliatsiia targetteletin deńgeiden taǵy da tómendeidi. Infliatsiiany tejeitin negizgi faktor azdaǵan ishki suranys bolady.
2019 jyldyń qorytyndysy boiynsha Reseide infliatsiia 3,2%-3,7% bolady, ol 2020 jylǵy 1-toqsanda odan ári 3,0%-dan tómen tómendeidi. Infliatsiiaǵa ustamdy suranystyń yqpaly, sondai-aq biýdjettik resýrstardy qarjylandyrýda artta qalý basym bolýda.
Osymen qatar, Ulttyq Banktiń taldaýshylary AQSh FRQ men basqa ortalyq bankterdiń barynsha jeńil ritorikasy álemdik kapitaldy damyǵan elderdiń paidasyna qaita bólý táýekelin azaitady jáne damýshy naryqtary bar elderdiń, onyń ishinde Qazaqstannyń valiýtasyna qysymdy tómendetedi dep ataýda.
