Kollaj: Ulysmedia.kz
Ulttyq statistika biýrosy Qazaqstanda infliatsiianyń ósip kele jatqanyn habarlady, dep jazady Ulysmedia.kz.
Biýro málimetinshe, qazan aiynda ailyq infliatsiia – 1,6%, jyldyq infliatsiia 18,8% qurady. Aita keteiik, qyrkúiek aiynda jyldyq infliatsiia 17,7% quraǵan.
Qyrkúiekpen salystyrǵanda qazanda:
azyq-túlik emes taýarlar – 1,7%
aqyly qyzmetter – 1,7%
azyq-túlik taýarlary – 1,4% qymbattady.
Azyq-túlik emes taýarlardyń ishinde jýý jáne tazalaý quraldarynyń baǵasy eń kóp kóterildi – 5%, kiim men aiaq kiim, jeke taýarlar, turmystyq taýarlar 2,1%-ǵa, ydys-aiaq 1,9%-ǵa, toqyma buiymdary 1,7%-ǵa qymbattady.
Tas kómir quny 2,1%-ǵa, otyn baǵasy 1,7%-ǵa ósti.
Ótken aida aqyly qyzmetterge baǵa deńgeii 1,7%-ǵa ósti. Qonaq úi qyzmetterine baǵanyń 6%-ǵa, keshendi demalys uiymdaryna – 4%-ǵa, demalys jáne sporttyq is-sharalar salasyndaǵy qyzmetterge – 3,3%-ǵa, monshalarǵa – 3%-ǵa, balalardy damytý ortalyqtaryna – 2,9%-ǵa, qoǵamdyq tamaqtandyrýǵa – 2,2%-ǵa ósýi atap ótildi.
Azyq-túlik taýarlarynyń baǵasy 2022 jyldyń qazan aiynda 1,4%-ǵa ósti. Qyzanaq 21%-ǵa, qiiar 14,7%-ǵa, jumyrtqa 6,3%-ǵa, balyq pen teńiz ónimderi 2,3%-ǵa, toqash jáne un ónimderi 2,2%-ǵa, alkogolsiz sýsyndar 1,9%-ǵa, irimshik pen súzbe 1,8%-0ǵa qymbattady.
Kerisinshe, sábiz – 5,6%, qyzylsha – 5,5%, piiaz – 5,1%, kartop – 3,5%, qyryqqabat – 2,6% arzandady. Túiirshiktelgen qanttyń baǵasy 2,3%-ǵa tómendedi.
Aita ketsek, ótken aptada Qazaqstannyń Ulttyq banki bazalyq mólsherlemeni 14,5%-dan 16%-ǵa kóterdi.
